SunFebSun2017

སྤེལ་དུས་མཐའ་མ།08:34:18 AM GMT

རྩོམ་གསར།:

ལྷ་སའི་མགྱོགས་བྲིས།

ལྷ་སའི་མགྱོགས་བྲིས།ཁྱུང་ཐར་རྒྱལ།

གླེང་གཞི།
ང་ཚོའི་མགོ་ཐོག་གི་ཉི་མ་གཅིག་པོ་འདི།
ནམ་རྒྱུན་ལྟར་དལ་བྲེལ་དང་གཡོ་ཟོལ་མེད་པར་ཤར་ཡོང་།
ཏག་ཏག་ཉིན་གུང་ཞིག་ལ།
ང་རང་གནའ་མཁར་ཟི་ལིང་ནས་མེ་འཁོར་ལ་བསྡད་དེ་ལྷ་སར་ཆས།
ངའི་གཡས་གཡོན་གྱི་རི་ར་བ་ཁང་ཁྱིམ་དག་ནི།
གཙང་པོ་གཉིས་ཀྱི་ཟོལ་གྱིས་ངའི་རྒྱབ་ཕྱོགས་སུ་བཞུར།
ང་ནི་གཙང་པོ་དེ་གཉིས་ཀྱི་འགོ་ཁུངས་འཚོལ་མཁན་ཞིག་དང་འདྲ་བར།
རེ་བ་ཆེན་པོ་ཞིག་གིས་མདུན་ཕྱོགས་ཁོ་ན་བསྙེགས་ནས་བརྒྱུག
མདུན་ཕྱོགས་ན་ཅི་ཞིག་ཡོད་དམ།
གདོད་མའི་ནགས་ཚལ་ཆེན་པོ་ཞིག་ཏུ།
སྲིད་པའི་མེ་ཆེན་སྦར་བའི་སྐྱེས་ཆེན་ཞིག་གམ།
ཡང་ན། དཀའ་ཐུབ་ནགས་ལ་གནས་པའི་སྤྲེའུ་ཞིག་ཡོད་དམ།
རང་སེམས་ནང་ལ་བསྐོར་ཏེ་ཕྱི་འདང་རེ་བརྒྱབ་ན།
ང་རང་ཕྱིར་ལོག་དུས་ཀྱང་འདི་ལྟར་ཡིན་ནམ།

དེ་ལས་མང་བ:

སེང་རྡོར་གྱིས་ཉེ་བྲིས་སྙན་ངག་ཁག་ཅིག

སེང་རྡོར་གྱིས་ཉེ་བྲིས་སྙན་ངག་ཁག་ཅིགཔཎ་ཆེན་སྐུ་འཕྲེང་བ་བཅུ་པ།

ཁྱེད་ཀྱིས་གོས་ཆེན་སེར་པོའི་ཕུ་དུང་ལས།།
ང་ཚོར་འཛམ་གླིང་ཉི་མ་སྟོན་ཙམ་བྱས།།
ཁྱེད་ཀྱི་ཕྱུ་པ་ནག་པོའི་རུམ་ཁུགས་ལ།།
ངེད་ཅག་སྐྱབས་མེད་མགོན་མེད་བཙངས་ནས་ཡོང་།།
བཀའ་སློབ་གནངས་ཡུན་རིང་དྲགས་གསུང་སྐད་འགག །
ཀྱེ་ཀྱེ་གླང་ཆེན་ཐལ་དཀར་ཁྱེད་ལ་འདུད།།
རྟག་ཏུ་ཐུགས་རྒྱལ་བཞེངས་དྲགས་ཁུ་ཚུར་གཡུགས།།
དེང་ཡང་རིག་ལྡན་དྲག་པོ་ཁྱེད་ལ་འདུད།།

དེ་ལས་མང་བ:

གཏེར་སྣང་བྱེད་ཀྱི་སྙན་ཚོམ།

རང་གི་སྒེའུ་ཁུང་ནང་གི་མུན་པ་ལ།། སེམས་པ་གླན་ཏེ་འདི་ལྟར་ཐལ་སོང་ངོ་།།སྙན་ངག་འབྲི་འདོད་འདི་ལྟར་སྐྱེས།

རི་བོ་མཐོན་པོ་མེད་ཀྱང་ཅི་ལ་སྐྱོན།།
སྤྲིན་པ་ཡུག་གཅིག་ཡོད་པས་ང་ནི་སྤྲོ།།
ནམ་མཁའ་ནག་པོ་ཡིན་ཡང་ཅི་ལ་འཇིགས།།
ཉི་ཟླ་སེམས་ལ་ཚེས་པས་འཚེར་སྣང་གང་།།
འཇམ་དབྱངས་རལ་གྲི་རང་གི་བློ་ན་ཡོད།།
དབྱངས་ཅན་རྒྱུད་སྐུད་དབྱངས་ཀྱི་སྙིང་ལ་ཟུག།

དེ་ལས་མང་བ:

ཁ་བའི་སྲས་ཀྱི་སྙན་ངག་ཆེད་འགོད།

ཁ་བའི་སྲས་ཀྱི་སྙན་ངག་ཆེད་འདོད།  ང་།   རང་དབང་གི་གླུ་བ་ཞིག་ཡིན།

སྙན་ངག་ཡིན་ན་ཚིགས་བཅད་ཡིན་དགོས་པའི་ཉིན་ཞིག་ལ
རྒྱ་གར་བའི་ཨ་མྱེས་ཞིག་གི་མེ་ལོང་ལ་བལྟས་མྱོང
མེ་ལོང་དེས་ཁོ་བོ་བཙན་གཡེམ་མང་པོ་བྱས་རྗེས
ཞེན་པ་གཏིང་ནས་ལོག་སོང

དེ་ལས་མང་བ:

ཧོར་ནག་པ་འདྲེ་མིག་གི་སྙན་ཚོམ།

རྒྱང་ནས་ལྟད་མོ་བལྟས་ནས་ཅི་བྱེད འདིར་ཤོག་དང་ང་ཚོ་མཉམ་དུ་འགྲོདབུལ་བོ

ང་རང་དྭངས་གཙང་གིས་གསོན་ཆོག་པའི་ས་ཆ་དེ་གང་ན་ཡོད
ང་རང་གཤོག་པ་དང་ལྷན་དུ་འཕུར་ཆོག་པའི་མཁའ་དབྱིངས་དེ་གང་ན་ཡོད

ཆུང་མ་ཁྱིམ་ལ་བསུས་ནས
བུ་ཕྲུག་རང་ལ་ཡོད་པར་གྱུར་རྗེས
སྐུད་སྣེ་ས་གཞིར་ཐོགས་པའི་ཤོག་བྱ་ཞིག་གི་རང་གཟུགས
ངས་རང་ཉིད་ཀྱི་སྒེའུ་ཁུང་ནས་ཡང་ཡང་མཐོང
༢༠༡༢       ༦        ༡༢

དེ་ལས་མང་བ:

མཚོ་འགྲམ་གྱི་མཚན་མོ།

མཚོ་འགྲམ་གྱི་མཚན་མོ།དགོང་ཁའི་ཉི་མ་ནུབ་རིར་དཔྱངས་པས་རི་ལུང་ཁང་ཁྱིམ་དལ་བའི་འགྲོས་ཀྱིས་རབ་རིབ་མུན་པའི་ཀློང་དུ་ཉལ། །
ཟླ་བའི་འོད་སྣང་མཚོ་འགྲམ་ལ་ཕོག་གྲོང་ཁྱེར་གཟུགས་བརྙན་ཆུ་ཡི་ངོས་སུ་གཉེར་མ་ཤིག་ཤིག་འདར་ཞིང་འགུལ། །
སྲང་ལམ་ཉུལ་བའི་མི་ཚོགས་དག་ཀྱང་ཁྱིམ་དུ་ལོག་པས་ལྷིང་འཇགས་རིང་མོ་རྒྱང་ནས་རྒྱང་ལ་འཕྲེད་དུ་བསྲིངས། །
གློ་བུར་ཡེ་ཤུའི་ལྷ་ཁང་ཅོང་སྒྲ་སྙན་པའི་ཟོལ་གྱིས་གཅིག་འཕྲོར་གཅིག་ཏུ་ལྷང་ལྷང་ཐེངས་འགའ་གྲག་པའི་ཚེ། །
ཉ་པ་དག་གིས་གྲུ་ཐག་གློད་དེ་རེ་སྙེག་དང་བཅས་རྒྱ་མཚོའི་ཀློང་དུ་འཕྱོ་ཞིང་ཉུལ་བཞིན་ཡོམ་ཡོམ་བགྲོད། །

དེ་ལས་མང་བ:

༢༠༡༤ ལོའི་འབའ་གངས་རྒོད་ཀྱི་སྙན་ཚོམ།

ཉིན་མཚན་ཀུན་ཏུ་སྐྱོ་ངལ་ཁྱད་དུ་བསལ་ཏེ། རེ་སྒུག་ཁྲི་འབུམ་ཀློང་ན་ཤག་ཤག་རྒྱུའོ།ཚོར་བའི་ཕྱི་ནང་།

ཚོར་བའི་སྣེ་རུ་ཤར་བའི་ཁྱེད་ཀྱི་གཟུགས་བྱད།།
རྩེ་གཏམ་ཀུ་རེའི་ཁྲོད་ཀྱི་གབ་ཚིག་ཡིན་ནོ།།
ཀུན་རྫོབ་ཐ་སྙད་འཐུ་བའི་གཡུལ་ས་དེ་རུ།།
དྲན་པ་སྣོད་ལ་བཅུག་སྟེ་མི་ཚེ་བདའ་འོ།།

དེ་ལས་མང་བ:

སྙན་ངག་པ་བརྒྱ་ཕྲག་གཅིག་གི་བརྩམས་ཆོས།

སྙན་ངག་པ་བརྒྱ་ཕྲག་གཅིག་གི་བརྩམས་ཆོས།ཕྱི་ལོ་༢༠༡༥ཟླ་༧ཚེས་༢༥ཉིན། <<དབྱངས་ཞུགས་པའི་ང་རོ>>ཞེས་པའི་གློག་རྡུལ་དེབ་དེ་ནི་དེབ་ནང་མཚན་འཁོད་ཀྱི་རྩོམ་པ་པོ་བརྒྱ་ལྷག་ཡོད་པ་ལས་རྩོམ་པ་པོ་༨༥ལྷག་གི་སྐད་འཕྲིན་བསྡུ་བསྒྲིགས་ཀྱིས་སྐད་འཕྲིན་ཚོགས་པ་བཟོས་ཏེ་དབུ་འབྱེད་དང་བསྐྱར་ཞིབ་བྱས་པ་ཡིན།

དེ་ལས་མང་བ:

འདན་མ་ཚུལ་ཁྲིམས་ལེགས་བཤད་ཀྱི་སྙན་ཚོམ།

འོད་ཐིག་གངས་སྣེ་ལ་འཁྱུད་པའི། མར་མེ་རྐང་གཅིག་དེ་འབར་བ།མར་མེ་རྐང་གཅིག

___༧རྒྱལ་མཆོག་ཀརྨ་པར།

ཞོགས་ཀའི་སྤྲིན་དམར་གྱི་ཆུན་པོ།།
མཐོ་པོའི་མཐིང་ག་ནས་ཡལ་ཤུལ།།
འོད་ཞགས་ཉི་གཞོན་གྱི་ཕུང་པོས།།
དྲོད་ཀྱི་བདེ་ཁོལ་དེ་སྦྱིན་པ།།

དེ་ལས་མང་བ:

༢༠༡༤ལོའི་སྙིང་མིག་གི་སྙན་ཚོམ།

ཤིང་དང་ཤུག་པའི་ཉན་རྣ་བྱེད་ས་རུ།།           སུ་ལ་མ་ཤོད་ངག་འདི་ས་མ་ཡ།།ཉི་མའི་མིག་ཆུ།

ཉི་མའི་མིག་ཆུ་མེ་ཏོག་ཚལ་ན་ཡལ།།
ཟླ་བའི་ཁ་ཆུ་རི་བོའི་རྩེ་ནས་འཛར།།
ཨ་གར་སྒྲོན་ཤིང་བསླེས་མའི་ལུང་གཤོང་ནས།།
དྲན་པའི་རྨུ་ཐག་ཡིད་ཀྱི་མཁའ་ལ་བཏགས།།

དེ་ལས་མང་བ:

༢༠༡༤ ལོའི་ལི་ཐང་དབྱིག་གཉེན་གྱི་སྙན་ཚོམ།

ང་ཡི་མིག་གིས་ཁྱེད་ཀྱི་རྐང་རྗེས་བཟུང་།སང་ཉིན།

ཆར་བ་ནི་གནམ་གྱི་ཟིལ་བ་ཡིན་ན།།
མེ་ཏོག་ཀྱང་བྱི་རིའི་ཁྲ་རྒྱན་ཡིན་པས།།
སྤྲང་པོ་དག་རྒྱུ་ཆེན་ཚོང་པའི་ཟོལ་གྱིས།།
ཉི་མ་ཡང་སང་ཉིན་ཤར་རྒྱུ་ལོས་ཡོད།།

དེ་ལས་མང་བ:

རྭ་རྒྱ་འཕྲིན་ལས་ཀྱི་སྙན་ཚོམ།

སེམས་སོང་མཛའ་མོ་ཞིག་ལ་སེམས་ཀྱིས་མཐུན་མྱོང་།ཕྱིར་དྲན་ཞིག

མི་ལོ་བརྒྱད་ཙམ་འདས་པའི་ཡར་སྔོན་ཞིག་ལ།།
བསིལ་རླུང་ཐོལ་གྱིས་རྒྱུ་བའི་སྟོན་དུས་དེ་ལ།།
ཚ་སྨུག་རིས་སུ་འབབ་པའི་ཉིན་མོ་ཞིག་ལ།།
སེམས་སོང་མཛའ་མོ་ཞིག་ལ་སེམས་ཀྱིས་མཐུན་མྱོང་།།

དེ་ལས་མང་བ:

༢༠༡༤ ལོའི་ཀུན་ཁྱབ་ཀྱི་སྙན་ཚོམ།

ཆག་གྲུམ་ཤོར་བའི་དུས་རབས་ཤིག་ནས་ལྗོན་པ་བཞིན་དུ་འདབ་ལོ་རྒྱས།རྨིག་རྗེས་ཀྱི་དར་སྣེ་ཟད་རོ།

མི་རྟག་སྒྱུ་མའི་གཤིས་ལྟར་གྲུབ་པའི་ཟླུམ་གཟུགས་འཇིག་རྟེན་བྲང་གཞུང་ནས།།
ལྡོག་མེད་ལས་དབང་བཙན་པོས་རྩེན་པ་གཡང་གཟར་རྦབ་ཆུ་ཐུར་ལྷུང་བཞིན།།
འཆི་བདག་བཀའ་ལུང་ལས་ཀྱང་བཙན་པའི་དུས་ཚོད་ཉེར་བཞིའི་ཤུལ་རྗེས་ངོས།།
ཉིན་དང་ཟླ་བ་རིམ་བཞིན་བརྩེགས་པའི་དུས་རབས་གསར་རྙིང་སྡོམ་ཚིག་བཀོད།།

དེ་ལས་མང་བ:

པདྨ་དོན་འགྲུབ་ཀྱི་སྙན་ཚོམ།

ཁྱེད་རང་མེད་པའི་ལོ་ཟླ། བསམས་ན་སྡུག་གི་རྒྱུ་རེད།སྒེར་དོན་གྱི་ཆེད་དུ།

ཉི་ཟླའི་འཆར་ནུབ་བར་འཚོ་བའི་མི་བུ་འདི་དག་གིས
རང་ཉིད་ནི་འཇིག་རྟེན་འདིའི་མགྲོན་པོ་ཡིན་པ་བརྗེད་སོང་བ་འདྲ  
ཁྱོད་ནི་ཉི་ཟླའི་འཆར་ནུབ་དང་མི་མཚུངས་ཏེ་དུས་ཚོད་ཀྱི་འདུར་རྒྱུགས་ཁྲོད་ནས

དེ་ལས་མང་བ:

ཆུ་སྐྱེས་སྒྲོལ་མའི་སྙན་ཚོམ།

ལྐུགས་མ་ཞེས་པའི་མཚན་སྙན་ཞིག བདག་ལ་བརྩེ་བས་གསོལ་རས་གནང་།ཨ་མ་དྲན་གླུ།

རྫིང་བུའི་ཆུ་རིས་ཁྲོད་ཀྱི་གསེར་བྱ་ངང་དཀར།།
བདག་གི་བྱམས་ལྡན་སྐྱེད་མའི་བྱད་གཟུགས་ཡིན་ན།།
གཤོག་ཟུང་རྐྱོང་བའི་སྟངས་སྟབས་མཉེན་པོ་འདི་ཀོ།
གང་གི་སྙིམ་པ་འཇམ་པོའི་དྲོད་རླབས་ཡིན་ན།།

དེ་ལས་མང་བ:

ཟླ་བ་གཞོན་ནུའི་སྙན་ཚོམ།

དྲན་པའི་གཉེན་པོར་འོངས་པ་ཡི། ཁྱོད་ཀྱི་འཛུམ་བཞིན་ལྟ་ན་སྡུགདྲན་པའི་སྒྲུང་། སྨྲེང་བའི་གཏམ།

༡༽ དྲན་པ་ཡལ་བ་འདྲ་ན་ཡང་།། དུངས་པ་མཁའ་ལ་ཁྱབ་པ་ལྟར།།
སྨྲེང་བའི་དུད་སྤྲིན་འཐིབས་གྱུར་ཏེ།། འཆར་ཡན་ཆར་གྱི་ཚོགས་བཞིན་འབེབས།།

དེ་ལས་མང་བ:

༢༠༡༤ལོའི་ཤེད་བུའི་འབེལ་རྩོམ་གསར་མ།

གཙོ་བོ་རང་གི་བླ་སྲོག་རང་ཉིད་ཀྱིས་བསྐྲུན་ན་འོས། །ཟླ་འོད་ཀྱིས་འཐག་པ།

ཁ་བ་གངས་ལ་བབས་པའི་ཉིན་དེར་ཁེར་རྐྱང་དུ་ལམ་ལ་ཆས། །
ཆུ་བོ་གྱེན་དུ་འཕྱོ་བའི་སྐབས་ཀྱང་ཁེར་རྐྱང་གིས་ལམ་དུ་བཞུད། །
ང་རང་ནམ་གསོན་གྱི་བར་དུ་བླ་སྲོག་ལ་བཞེངས་པའི་གངས་རི། །
ཁྱེད་ཁོ་ན་བདག་གི་དད་པའི་གཞུ་མོ་ནང་དུ་འགུག་ས་ཡིན། །

དེ་ལས་མང་བ:

མེ་ལྕེ་ཡི་སྙན་ཚོམ།

རེ་བའི་རྨི་ལམ་ལྡན་ཚེ། ས་སྲོད་མུན་པ་མི་རིང་།གདོང་འབག

___ སློབ་གྲོགས་ཞིག་ལ་ཕུལ་བ།

ངས་རེ་ལྟོས་བྱེད་པ་དེར།
འཇའ་ཚོན་ཞིག་དང་མཚུངས་ན།
ཡལ་བཞིན་འདར་བའི།
སྐར་ཕྲན་ཅིག་ལའང་མི་དོ།

དེ་ལས་མང་བ:

༢༠༡༤ལོའི་རྩེ་སྨིན་གྲོལ་གྱི་སྙན་ཚོམ།

མིག་འོད་ཁྱོད་ལ་ཕྱོགས་པ། ། བཙུན་པའི་གསང་བ་མིན་འགྲོ།།རྒྱང་འབོད།

གནས་རྒྱང་རིང་ལྷོ་མཐའི་རི་སུལ་དེར། །
བྱམས་སྙིང་རྗེ་ཅན་གྱི་བླ་མ་བཞུགས། །
ཡུལ་ཕ་ཁྱིམ་དཀར་བོ་ཞལ་གྱེས་ནས།།
ལོ་ལྔ་བཅུ་རྩ་གྲངས་འདས་ཏེ་ཐལ། །

དེ་ལས་མང་བ:

འབྲུག་མོ་ཐར་གྱི་སྙན་ཚོམ།

དུས་ཀྱིས་འགྱུར་ལྡོག་ཞིག་གིས། ཡིད་འོང་སྐྱེས་མོའི་ཚལ་གྱི།དེ་རིང་གི་ངའི་སེམས་པ།

དེ་རིེང་གི་ངའི་སེམས་པར་འདི་དག་མཆིས
སུས་ཀྱང་རྟོགས་དཀའ་བའི་གབ་ཚིག་ཅིག
ནམ་ཡང་བརྗེད་དཀའ་བའི་སྐྱོ་གར་ཞིག
གང་གིས་ཀྱང་བཅོས་མི་ནུས་པའི་ན་ཟུག་ཅིག

དེ་ལས་མང་བ:

༢༠༡༤ལོའི་སྒོ་དམར་བསྟན་འཛིན་གྱི་སྙན་ཚོམ།

མཁའ་ན་སྤྲིན་དཀར་ལང་ལོང་།། ས་ན་ཉི་འོད་ལམ་ལམ།།གློ་རྡེག་ལ་ཁ་རུ་ཁ་ཐུག་ཏུ་སོང་།

མདང་ནུབ་ཆར་ཞིག་བབས་ཏེ་རི་བོར་ཁྲུས་ཤིག་གནངས་འདུག།
སྤྲིན་པ་ཉི་མར་འཁྱུད་དེ་ནམ་མཁའི་མཐོངས་ན་གཡོ་འདུག།
ས་གཞིར་ཉི་འོད་འཁྱིལ་ཞིང་གེ་སར་འཛུམ་མདངས་གྲོལ་བས།།
ད་ནི་འཛིན་མའི་ལང་ཚོ་སྟེང་ཕྱོགས་དཔལ་ལ་འགྲན་བྱུང་།།

དེ་ལས་མང་བ:

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།