ThuNovThu2018

སྤེལ་དུས་མཐའ་མ།09:45:57 AM GMT

རྩོམ་གསར།:

མགོ་ལོག་ཆུ་ཐིགས་ཀྱི་སྙན་ངག་གི་ཁག་ཅིག

ལང་ཚོ་རྨས་མ་དེ་ཡང   ས་མཐའ་ནས་འགྲུལ་བ་ཅི་ཡིས་དོན

ཁ་དོག་ཡལ་བའི་རྩྭ་ཐང་།

ཞར་བཀོད་གཉིས།                            དབྱར་ཁ་དེའི་ཁ་བས   
མཛེས་སྡུག་གི་འཇིག་རྟེན་ཞིག་ལ་གྲང་བ་ཕབས

གྲང་ངར་བཙན་པའི་ལོ་ཟླ   
སེམས་རྩ་འཁྱག་པའི་གཙང་བོ་ཡིན

ཉི་མའི་ན་བཟའ་ཅི་ལྟར་མཐུག་ཀྱང     
དར་སོབ་ཀྱི་སེམས་པ་སྔར་ལས་གྲང

 

འཁྱག་པའི་གཞས་ཆུང  
གདུང་བའི་དབྱངས་སུ་རླུང་གིས་འགུག

ལང་ཚོ་རྨས་མ་དེ་ཡང    
ས་མཐའ་ནས་འགྲུལ་བ་ཅི་ཡིས་དོན

དཀོན་མཆོག་གི་ཞལ་ངོས  
མི་སེམས་ན་མེད་ཅིང

སྐྱོ་གདུང་གི་གྲིབ་གཟུགས    
ཉི་མ་ཤར་ནུབ་ཀྱི་མིག་ལམ་དུ་ཡང་ཡང་འཁོར

ལས་འབྲས་ལ་སྙིང་རྗེ་མེད་ན་ཆོག་མོད    
“shuotao” ཁྱོད་ཀྱང་དེ་བཞིན་ཡིན་ཚེ

ངའི་སེམས་ཀྱི་སྐྱོ་གདུང་དེ་དག་གང་དུ་འཇོག    
འདས་དོན་གྱི་བདུད་རྩིའི་ཕུད་ཁའང་སུ་ལ་འདྲེན                                        
2016/1/26 སྤོས་ལྡན་ནས་བྲིས།

སྙན་ངག་འདི་ནི་ཟླ་གཉིས་ཙམ་གྱི་སྔོན་གྱི་ཞོགས་པ་དེའི་ཁོ་མོར་སྐྱེལ་མ་ཞུ་བའི་ལམ་གྲོ་རུ་བྲིས།

ཁོ་མོར་བྲིས་པའི་སྙན་ངག

གྲོང་ཁྱེར་དུ  
ལྷིང་འཇགས་ཀྱི་ས་ཚུགས་ཤིག་ཤིན་ཏུ་དཀོན

འུར་ཟིང་ཆེ་བའི་གྲོང་ཁྱེར་འདི་ནས  
མི་ཚོགས་ཀྱི་འཚུབ་ཁའི་ཁྲོད་ན

འུ་གཉིས་ནི    ཆེས་དྭངས་གཙང་གི་ཆུ་ཕྲན་ཞིག་དང་འདྲ་བར 
འཕྲེད་ཀྱི་ལམ་བུ་གན་ནས་ལྷིང་འཇགས་ཀྱི་གནས་ཤིག་ལ་བཞུར་གྱིན་ཡོད

ནར་མ་སོན་པའི་འུ་གཉིས  
འཇིག་རྟེན་འདིའི་པང་ཁུག་ཏུ་ཆུང་དྲགས་པས

སུ་དང་གང་གིས་ཀྱང་འུ་གཉིས་ལ་ཁ་ཡ་བྱེད་མི་སྲིད  
ཐ་ན་སྲོད་ཁར་ལྡང་བའི་རླུང་བུས་ཀྱང

མཚན་མོ་འདིའི་ལང་ཚོ་ཁོ་ན  
ཁྱོད་དང་ངའི་མཐར་ཐུག་གི་ཐོབ་བྱ་ཡིན

བརྩེ་དུང་གི་རོ་ལ་འཐམ་པའི་ཕྱེ་ལེབ་ཆ་གཅིག  
རྨི་ལམ་གྱི་མངར་ཁ་ཁྱེར་ནས་གང་ལ་འཁྱམ་འགྲོ

འགྲོ་འདུག་ལ་སྡོམས་རྩིས་མེད་པས   
མཐའ་མཇུག་གི་རི་མོ་དེ་ས་སྲོད་ལ་སིམས་སྲིད་དམ

མུན་པ་སྟུག་པའི་མཐའ་ཡས་ཀྱི་ནགས་ཚལ་དུ  
འུ་གཉིས་ལོག་མི་དགོས་པར་སྨོན་ལམ་ཡང་ཡང་བརྒྱབ་མྱོང་ཡོད                                           
2016/1/7 མཚན་གུང་དུ་སྦྱར། ༈

ཐང་ཆད་པའི་མེ་ཏོག

ཁོ་ཆད་པའི་དུམ་ཁ་རེ་རེ    
དུས་ཚིགས་ཀྱི་རི་བོའི་གཏིང་ནས་འཕག་འཚག་རྒྱག

སྐྱེ་བོ་དག       
གཞས་ཀྱི་ཐང་ཆེན་ནས

རྒྱང་རིང་གི་རོལ་དབྱངས་ལ་རྣ་བ་ཆགས    
ཐང་ཆད་པའི་མེ་ཏོག     
ང་རང་ཧ་ཅང་ངལ་བའི་ལུས་སྟེང་གི་མེ་ཏོག     
ངལ་བའང་སྐྱོ་གཞས་འཐེན་པའི་སེམས་ཀྱི་ལོངས་སྤྱོད་ཅིག་ཡིན

ཁ་སང་གི་ང་ལ     
གྲིབ་མ་མེད་ཅིང་ངལ་བ་མེད    
གསོན་ཤི་བརྒྱབ་པའི་ཐ་སྙད་ཁག་ཅིག    
ཤི་བ་ལ་བཏབ་པའི་སྔོན་གྱི་ལམ་གྲོ་རུ་བརྫངས                                                
2016/1/1 ཁྲིནཏུའུ་ནས།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།