FriAprFri2017

སྤེལ་དུས་མཐའ་མ།06:49:09 AM GMT

རྩོམ་གསར།:

རྒྱལ་རོང་གི་མི་སྣ་གྲགས་ཅན།

རྒྱལ་རོང་གི་མི་སྣ་གྲགས་ཅན།

རྗེ་མཉམ་མེད་ཤེས་རབ་རྒྱལ་མཚན་ནི་ཤར་ཕྱོགས་རྒྱལ་མོ་རོང་གི་ས་གནས་གབ་ཏོག་ཤ་བ་རིའི་འགྲམ་སྟེགས་སྐྱོགས་ཞེས་པར་ཡབ་དབྲ་རིགས་ཀླུ་རྒྱལ་དང་ཡུམ་རིན་ཆེན་སྨན་གཉིས་ཀྱི་སྲས་སུ་འཁྲུངས།སྐུ་ཆུང་དུས་ནས་ཡིག་འབྲུ་སུམ་ཅུ་མ་བསླབས་པར་མཁྱེན་པས་ཡབ་ཀྱི་དྲུང་དུ་རྒྱུའི་བོན་རྣམས་སྦྱངས་ཚུལ་མཛད།

དགུང་ལོ་བཅུ་བཞེས་ཚེ་ཕྱྭ་བླ་གཡུང་དྲུང་རྒྱལ་མཚན་གྱི་དྲུང་དུ་གཙང་གཙུག་གི་སྡོམ་པ་བཞེས་ཏེ་མཚན་ཡང་ཤེས་རབ་རྒྱལ་མཚན་ཞེས་གསོལ།དེ་ནས་ཚ་བ་སྒང་སྟོད་དུ་མཁས་གྲུབ་རིན་ཆེན་བློ་གྲོས་དང་མཇལ་ནས་བོན་ཕྱི་ནང་གསང་བ་ཡང་གསང་གི་དབང་ལུང་མང་པོ་མནོས།དབུས་ཀྱི་ནཱ་ལེནྡྲ་རོང་སྟོན་ཤེས་བྱ་ཀུན་རིག་གི་དྲུང་དུ་གཞུང་པོ་ཏི་ལྔ་ལ་ཐོས་བསམ་མཛད་པས་རབ་འབྱམས་ཆེན་པོའི་མཚན་སྙན་གྱི་གྲགས་པས་ཁྱབ།
དགུང་ལོ་སོ་གཅིག་སྟེང་གཡས་རུ་དབེན་ས་ཁའི་སྒྲིགས་ལམ་ལ་ཞུགས།དགུང་ལོ་ལྔ་བཅུའི་ཐོག་ལ་བཀྲ་ཤིས་སྨན་རིའི་དགོན་སྡེ་བཏབ་སྟེ་ཕྱི་ནང་གསང་བའི་བཤད་སྒྲུབ་ཀྱི་བསྟན་པ་རྒྱས་པར་མཛད།དེ་ནས་དགུང་ལོ་དྲུག་ཅུར་སློབ་མ་རིན་ཆེན་རྒྱལ་མཚན་རྒྱལ་ཚབ་ཏུ་མངའ་གསོལ་ཏེ་བསྟན་པ་ལ་བྱ་བ་མཛོད་ཅེས་བཀའ་གནང་ནས་གཏེར་ཆུའི་ཁར་ཁྲ་ཐེར་ཕུབ་སྟེ་ཉིན་མོར་རྗེས་འཛིན་སློབ་གྲྭ་དང་ནུབ་མོར་མི་མ་ཡིན་དུ་མ་ལ་བོན་གྱི་འཁོར་ལོ་བསྐོར་ནས་དབྱར་ཟླ་ཐ་ཆུང་གི་ཚེས་བརྒྱད་ཀྱི་ཐོ་རངས་སྐྱ་རེངས་ཤར་ཙམ་ན་དགོངས་པ་དབྱིངས་སུ་གཤེགས་སོ།། རྒྱལ་མོ་གཡུ་སྒྲ་སྙིང་པོ།གྲུབ་ཐོབ་རྗེ་དང་འབངས་ཉེར་ལྔའི་ནང་གི་ཡ་གྱལ་རྒྱལ་མོ་གཡུ་སྒྲ་སྙིང་པོ་ནི་སྤྱི་ལོའི་དུས་རབས་བརྒྱད་པའི་དུས་དཀྱིལ་ཙམ་དུ་རྒྱལ་མོ་ཚ་བ་རོང་དུ་སྐུ་འཁྲུངས།ལོ་ཆན་བེེ་རོ་ཙ་ནས་རྗེས་སུ་བཟུང་ཞིང་མཁས་པ་དང་གྲུབ་པའི་ཕུལ་དུ་ཕྱིན།སློབ་དཔོན་པདྨ་འབྱུང་གནས་ལས་མན་ངག་ལྟ་བུའི་ཕྲེང་བ་སོགས་ཞུས་ཏེ་སྐུ་གསེར་གྱི་རྡོ་རྗེར་སྤྲུལ་པ་སོགས་རྫུ་འཕྲུལ་སྣ་ཚོགས་སྟོན་ནུས་པ་དང་།ཐེག་མཆོག་རྫོགས་པ་ཆེན་པོའི་ལྟ་དགོངས་ཀློང་དུ་གྱུར།《གྲུབ་མཐའ་ཤེལ་གྱི་མེ་ལོང》ལས་གཡུ་སྒྲ་སྙིང་པོ་རྟོགས་པའི་མཆོག་དང་ལྡན་ཞེས་གསུངས་སོ།།
ཚ་ཁོག་ངག་དབང་གྲགས་པ་ནི་རྒྱལ་མོ་ཚ་བ་རོང་དུ་འཁྲུངས།<འཁྲུངས་འདས་ཀྱི་ལོ་ཚིགས་མི་གསལ>ཁོང་གཞོན་ནུའི་དུས་ནས་དབུས་གཙང་དུ་ཕེབས་ཏེ་རྗེ་ཙོང་ཁ་པ་སོགས་དགེ་བའི་བཤེས་གཉེན་མང་པོའི་ཞབས་ལ་གཏུགས་ནས་སྡེ་སྣོད་གསུམ་དང་རྒྱུད་སྡེ་བཞི་ལ་ཐོས་བསམ་མཛད་པས་མཁས་པའི་གོ་འཕང་དམ་པར་མངའ་བརྙེས།རྗེ་ཙོང་ཁ་པ་ལས་བྱང་ཆུབ་ལམ་གྱི་རིམ་པའི་ཁྲིད་དང་ལམ་གྱི་གཙོ་བོ་རྣམ་གསུམ་གྱི་ཁྲིད་གསན་ཏེ་མྱོང་བ་ཐོན་པར་མཛད།ཁོང་གིས་རྗེ་ཙོང་ཁ་པས་དཀའ་བཞིའི་གྲྭ་སྐོར་མཛད་པའི་སྐབས་ནས་བཟུང་ཞབས་འབྲིང་པ་རྒྱུན་རིང་དུ་མཛད་དེ་མཉེས་པ་གསུམ་གྱིས་མཉེས་པར་མཛད།སྤྱི་ལོ1410ལོར་མདོ་སྨད་དུ་ཕེབས་ཏེ་དམུ་དགེའི་ས་ཆེར་བཀྲ་ཤིས་འཁོར་ལོའི་དགོན་དང་ཇ་ཕུའི་སྨད་དུ་སུམ་མདོ་དགོན་པ།ཇ་ཕུའི་སྐེད་དུ་བ་མགོ་དགོན་པ།ཇ་ཕུའི་སྟོད་དུ་ད་ཚང་ལྷུན་གྲུབ་གླིང་སོགས་དགོན་པ་བརྒྱ་རྩ་བརྒྱད་ཕྱག་འདེབས་མཛད་དེ་རི་བོ་དགའ་ལྡན་པའི་བསྟན་པ་རིན་པོ་ཆེ་གོང་ནས་གོང་དུ་སྤེལ་བའི་འཕྲིན་ལས་རྒྱས། རོང་སྟོན་སྨྲ་བའི་སེང་གེ་ཆེན་པོ་ནི་སྤྱི་ལོ1367ལོར་ཤར་རྒྱལ་མོ་རོང་དུ་བོན་པོའི་རིགས་སུ་འཁྲུངས།རྗེ་ཙོང་ཁ་པ་ལས་ལོ་བཅུས་གཞོན།གཞོན་པའི་དུས་ནས་དབུས་གཙང་དུ་བྱོན་ཏེ་གསང་ཕུར་རིག་པའི་གནས་ལ་འབད་འབུངས་མཛད་པས་དགུང་ལོ་ཉི་ཤུ་ཙམ་ལ་རྣམ་ངེས་ལ་མཁས་ཤིང་རིགས་པ་སྨྲ་བ་ལ་འགྲན་ཟླ་མེད་པར་གྱུར།དགུང་ལོ་ཉེར་གཉིས་པ་གྲོ་པའི་མཁན་པོ་ཀུན་དགའ་རྒྱལ་མཚན་དང་དམར་སྟོན་པའི་དྲུང་དུ་རབ་ཏུ་བྱུང་ཞིང་བསྙེན་པར་རྫོགས།བླ་མ་སོ་སོར་བསྟེན་ནས་སྡེ་སྣོད་མཐའ་དག་ལ་དབང་ཐོབ་པར་གྱུར།དགུང་ལོ་ཉེར་བདུན་པ་ལ་མཁས་ཆེན་གཡག་པ་དང་མཇལ་ཏེ་ས་ལུགས་ཀྱི་མདོའི་བཤད་སྲོལ་དང་ཐེག་ཆེན་ཆོ་རྗེ་ལ་གསུང་ངག་སོགས་སྔགས་ཀྱི་ཟབ་དོན་བླངས་ནས་ས་རྔོག་རྣམ་གཉིས་ཀྱི་བཤད་སྲོལ་རྒྱུན་དུ་བསྲིངས།མདོར་ན་དགུང་ལོ་ཉེར་གཉིས་ནས་གྱ་གསུམ་བར་མཁས་པའི་བྱ་བ་གསུམ་གྱིས་དུས་འདའ་བར་བྱས་སོ།།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།