FriOctFri2019

སྤེལ་དུས་མཐའ་མ།09:45:57 AM GMT

རྩོམ་གསར།:

མི་ཉག་ཡུལ་གྱི་རྡོ་རྩིག་ལག་ཤེས།

མི་ཉག་ཡུལ་གྱི་རྡོ་རྩིག་ཁང་པའི་འཛུགས་སྐྲུན་ལག་རྩལ།

འདིར་མི་ཉག་ཕྱོགས་སུ་དར་བའི༼གཙོ་བོ་དར་མདོ་ས་ཁུལ༽རྡོ་རྩིག་ཁང་པའི་འཛུགས་སྐྲུན་ལག་རྩལ་ཐད་ཅུང་གླེང་ན། ཐོག་མར་ཁང་པ་ཆེ་ཆུང་ཅི་འདྲ་ཞིག་འདོད་པ་དེ་ལུགས་ཀྱི་ས་ཐིག་གདབ་དགོས།

ཁང་པ་ཆེ་ཆུང་དེ་ཡང་གཙོ་བོ་ཀ་གྲངས་མང་ཉུང་ལ་རག་ལས་ཏེ།  ཀ་བ་གསུམ་ཅན་ནས་བཞི་ཅན། དྲུག་ཅན། བརྒྱད་ཅན། བཅུ་ཅན། བཅུ་གཉིས་ཅན་སོགས་ཡོད། མ་ཁང་ཀ་བ་བཅུ་གཉིས་ཅན་ནི་དེང་སང་ཁང་པ་ཆེ་བའི་གྲས་སུ་གཏོགས་ལ།མང་ཆེ་བ་ནི་ཀ་བ་དྲུག་ཅན་དང་དགུ་ཅན་ཡིན་ནོ།

མཐོ་ཚད་ནི་བརྩེགས་གསུམ་རེ་ཡིན་ཞིང་བརྩེགས་གསུམ་པར་ཤར་ལྷོའམ་ལྷོ་ནུབ་ཕྱོགས་སུ་རབ་གསལ་ཀ་བ་གཅིག་གི་རྒྱ་ཁྱོན་རེ་བརྩེགས་མི་འགེབ་པར་འཇོགམ་ཁང་གི་ལོགས་སུ་བཏགས་པའི་ལྷ་ཁང་ལ། ཀ་བཞི་གདུང་བརྒྱད་སོགས་ཀྱི་བཤད་སྲོལ་ཡོད་མོད།དེང་སང་ནི་ཀ་བ་གསུམ་ཅན་ཡིན།མཐོ་ཚད་ནི་བརྩེགས་གསུམ་རེའི་སྟེང་པད་བརྩེགས་དང་དེའི་སྟེང་གྱོ་ལེབ་བམ་རྡོ་ལེབ་བཀབ་པས་མཐོ་བརྩེགས་ལྔ་རེ་ཡོད་དོ།

ས་ཐིག་བཏབ་རྗེས་རྩིག་རྨང་བརྐོ་དགོས་ཤིང་། གཏིང་ཟབ་ཚད་ནི་ས་འཕྲོའམ་རྨང་ས་ཞེས་པའི་ས་བྱེ་མ་ཅན་ལ་ཐུག་དགོས། དེ་ཡང་རེ་འགར་ཁྲི་ཙེ་གང་རེ་ཙམ་བརྐོས་ན་ཆོག་ལ། རེ་འགར་ནི་ཁྲི་ཙེ་དོ་ཙམ་དང་རེ་འགར་ནི་ཁྲི་ཙེ་ལྔ་རེ་ཙམ་ཡང་བརྐོ་དགོས་ཐུག་པ་སོགས་ནི་ཁང་སའི་མཐུག་སྲབ་ཀྱི་ཁྱད་པར་ལ་ཐུག་ཡོད། གནའ་སྔ་མོར། ས་འཕྲོས་ལ་ཐུག་རྗེས་རྩིག་རྨང་གི་ས་བརྡུངས་ནས་སྲ་བརྟན་དུ་གཏོང་བའི་སྲོལ་ཡང་ཡོད་པར་གྲགས། རྩིག་རྨང་ལེགས་པར་བརྐོས་གྲུབ་རྗེས། དེའི་ནང་རྡོ་ཆེ་ཆུང་སྣ་ཚོགས་ཀྱིས་བརྫངས་དགོས། ཡུལ་སྐད་དུ་རྩིག་རྨང་སྒྲིག་ཟེར། དེ་རྗེས་འདམ་རྩིག་གི་འགོ་འཛུགས་དགོས།  

འདམ་རྩིག་བྱེད་ཚུལ་ལ་སྣ་ཚོགས་ཤིང་མཆིས་ཏེ།
༼༡༽རྡོ་ཆེན་གཅིག་ལ་རྡོ་ཆུང་བརྒྱ་ཡིས་བསྐོར་བའི་རྩིག་ཚུལ།
༼༢༽གཡུང་དྲུང་ལག་སྦྲེལ་གྱི་རྩིག་ཚུལ།
༼༣༽རྡོ་རྗེ་བྱ་རྩིག
༼༤༽འཇང་རྩིག༼གནའ་སྔ་མོ་འཇང་གིས་མི་ཉག་ས་ཁུལ་དབང་སྒྱུར་སྐབས་ནས་དར་བའི་རྩིག་ཚུལ་ཞིག་ཡིན་ཞེས་གྲགས། གནས་སྔ་མོར་བརྩིགས་པའི་མཁར་རྫོང་མང་པོ་ཞིག་དེང་སང་ཡང་མཐོང་རྒྱུ་ཡོད་པ་དེ་ཚོའི་རྩིག་ཚུལ་ནི་འཇང་རྩིག་ཏུ་བཤད༽སོགས་སོ།

སྔོན་ཚེ་རྡོ་རྗེ་བྱ་རྩིག་གམ་རིན་ཆེན་བྱ་རྩིག་དང་འཇང་རྩིག་གི་རྩིག་ཚུལ་སོགས་ཀྱང་། དེང་སང་ཆེས་དར་བ་ནི་རྡོ་ཆེན་གཅིག་ལ་རྡོ་ཆུང་བརྒྱ་ཡིས་བསྐོར་བ་དང་། དེ་རྗེས་གཡུང་དྲུང་ལག་སྦྲེལ་གྱི་རྩིག་ཚུལ་ཡིན་ཞིང་། དེ་མིན་རྡོ་ཡིས་འབྱོར་ན།དཀར་པོ་གྲལ་རེ།སེར་པོ་གྲལ་རེ། སྔོན་པོ་གྲལ་རེ་བྱེད་པའི་རྩིག་ཚུལ་ཡང་ཡོད་དོ།

ཡོང་ཁུངས། ཀྲུང་གོའི་བོད་ཀྱི་སློབ་འབྲིང་དྲ་བ།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།