FriAprFri2017

སྤེལ་དུས་མཐའ་མ།06:49:09 AM GMT

རྩོམ་གསར།:

བོད་ཀྱི་ཐུད་དང་ཞུན་གྱི་རིགས་བཟོ་ཐབས།

རོ་བཅུད་ལྡན་པའི་ཐུད། ༼འདྲ་པར་རྩོམ་རིག་མེ་ལོང༌།༽

ཞུན་ལ་རིགས་གསུམ་སྟེ། གྲོ་མའི་ཞུན་ནི་གྲོ་མ་སྐམ་པོ་གཙང་བཀྲུ་བརྔོ་ཞིང་ལག་སྐོར་དུ་རྩིང་འཐག་བྱས་པ་སུམ་ཆ་ཙམ་དང༌།

ཕྱུར་ཞིབ་སུམ་ཆ་གཉིས་ལོངས་ཙམ་ལ་སྦྲང་དང་ཡང་ན་ཕྱེ་མ་ཀ་ར་རན་པར་བསྲེས་པའི་ནང་མར་གསར་གྱི་མར་ཁུ་ནུབ་ངེས་སུ་བླུགས་ནས་དཀྲུག་དཀྲུག་བྱས་ཏེ་སྐག་ཏུ་གཞུག །སྐག་ཐག་མ་ཆོད་ཙམ་ཏུ་མར་ཁུའི་སྟེང་ནས་མར་ཚོན་གྱི་སྐུད་པས་རི་མོ་གང་འདོད་འཐེན་ཏེ་སྐག་པའི་ཟས་རིགས་རྩ་ཆེན་ཞིག་ཡིན། རྩམ་ཞུན་ནི།གྲོ་མ་བཏག་ཕྱེའི་ཚབ་ཏུ་རྩམ་པ་རྩིང་པོས་བྱ་ལ་གཞན་རྣམས་གོང་དང་འདྲ་བར་བུ་རམ་ཧྲོབ་བརྡུངས་དང་སྟར་སྙིང་མང་ཙམ་བསྲེ་བ་སྟེ། ཞུན་གྱི་ནང་དུ་ཆུ་མི་འདྲེས་པས་རུལ་སྐྱོན་མེད།འོན་ཀྱང་ཉར་ཡུན་རིང་ན་མར་རྙིང་ནས་རོ་ཁ་བ་ཡིན།

རྒྱུ་གྲོ་མའི་བཏག་ཕྱེ་སྟེང་དུ་དབྱར་རྩྭ་དགུན་འབུ་བསྲེ། སྟོན་གྱི་འབྲི་མར་གསར་པའི་མར་ཁུ་ལ་འབུ་སྦྲང་ཉུང་ཙམ་བླུགས་ནས་བཟོས་པའི་ཞུན་ནི་སྨན་ཞུན་སྟེ། རྙིང་པ་མ་ཡིན་པའི་ཞུན་ཞོགས་པར་ཁེམ་བུ་གང་རེ་ཟོས་ན་ལུས་སྟོབས་རྒྱས།རོ་ཙ་གསོ་བའི་མཆོག་ཡིན་པས་སྨན་ཞུན་ཞེས་ཟེར། ཕྱུར་ཐུད་ནི།ཕྱུར་བ་སྤུས་ལེགས་གཙང་མ་རྒྱ་མ་བཞི་རེ་ལ་ཆུ་གྲང་རྒྱ་མ་གང་རེ་བརྒྱབ་ནས་མཚན་གཅིག་བསྙལ།དེ་ནས་སྦང་ཟིན་པའི་ཕྱུར་བ་རྒྱ་མ་གསུམ་རེ་ལ་མར་གསར་རྒྱ་མ་གང་རེ་བསྲེ་སྟེ།ཤིང་གཞོང་གི་ནང་ལེགས་པར་བརྫིས་ནས་འདག་ཏུ་གྱུར་པ་དེ་སྲབ་མཐུག་སོར་དོ།།

དབྱིབས་སྒོར་མོ་ངོས་སྙོམས་ལ་ཞེང་དུ་མཐོ་དོ་བ།ངོས་སུ་མཛུབ་གུས་གཡུང་དྲུང་སོགས་ཀྱི་རི་མོ་གཤོང་ཅན་དུ་གཏོད་པ་དེ། མགྲོན་པོ་ལ་འབུལ་བྱ་དང༌།ཆོས་ཚོགས་ཆེན་མོ་སོགས་ཀྱི་སྐབས་གྲྭ་ཚོགས་ལ་འགྱེད་གཏོང་བྱ་ཞིག་སྟེ།ཐུད་ཧྲིལ་པོ་ཞིག་ལ་ཐུད་གོར་གཅིག །དེའི་ཕྱེད་ཀར་ཐུད་ཕྱེད། བཞི་ཆ་ལ་བཞི་ཐུད་ཅེས་ཟེར་སྲོལ་ཡོད། ཐུད་མཆོག་གམ་ཚོ་ཐུད་ནི།ཕྱུར་བ་གསར་པ་སྐམ་པོ་མར་གྱིས་བརྫིས་པའི་ཐོག་རྒུན་འབྲུམ་དང་གྲོ་མ་བརྔོས་མ། སྟར་གའི་སྙིང་པོ།བུ་རམ་གོར་མོ་དང་ཤེལ་ཀ་ར་ཧྲོབ་བརྡུངས།སྦྲང་རྩི་ཉུང་ཙམ་བཅས་བསྲེ་བརྫིས་ཀྱིས་བཟོས་པས་དཀར་གསུམ་མངར་གསུམ་འཛོམས་པའི་རྟེན་འབྲེལ་གྱི་ཟ་མ་རྩ་ཆེན་ཞིག་སྟེ། མཆོད་པའི་ཟས་མཆོག་དང༌། བག་སྟོན།ཁང་སྟོན།ཆོས་སྟོན་སོགས་སུ་ཟས་ཀྱི་ཐོག་མར་བཤམ་བྱའི་རྟེན་འབྲེལ་གྱི་མཆོག་ཡིན་པས་ཐུད་མཆོག་དང༌། མར་སོགས་རྫས་ཕུན་སུམ་ཚོགས་པ་འདུས་པའི་དབང་གིས་ཚོ་ཐུད་ཞེས་ཀྱང་འབོད་དོ།།

ཞུན་དང་ཐུད་ཀྱི་རིགས་ལས་གྲོ་མའི་ཞུན་དང་རྩམ་ཞུན་གཉིས་འབྲོག་ཕྱོགས་སུ་དར་ཞིང༌། སྨན་ཞུན་ནི་དེང་གི་ཆ་རྐྱེན་ཡོད་པའི་རྒན་གྲས་ཀྱི་ལུས་པོ་གསོ་བྱེད་དུ་བཟོ་བ་ཞིག་ཡིན་ལ། ཕྱུར་ཐུད་ནི་ཁམས་ཉག་རོང་ཕྱོགས་སུ་དར་ཁྱབ་ཆེ་བ་དང༌། ཐུད་མཆོག་ནི་མདོ་ཁམས་ཀྱི་འབྲོག་ཁུལ་གཙོ་བོར་གྱུར་པའི་ས་ཆ་དུ་མར་ཁྱབ་པ་དང༌།གཞན་ཡང་ཕྱུར་ཐུད་ཀྱི་སྟེང་དུ་གོ་རེ་བཙོས་མ་བསྲེ་བརྫིས་ཀྱིས་བཟོས་པས་མར་དང་མངར་ཆ་ཐུད་གཞན་དག་ལས་ཉུང་བའི་རྗེན་ཐུད་སོགས་ཀྱང་ཡོད་དོ།།

བོད་ཀྱི་ལག་ཤེས་ཀུན་འདུས་ཆེན་མོ་ལས་བཏུད།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།