WedMayWed2017

སྤེལ་དུས་མཐའ་མ།06:49:09 AM GMT

རྩོམ་གསར།:

གློག་བརྙན«ཐར་ལོ»སྐབས་དོན་གཉིས་པའི་ཝེ་ནཱ་སི་རྒྱལ་སྤྱིའི་གློག་བརྙན་དུས་སྟོན་ལ་ཚུད་པ།

གློག་བརྙན་གྱི་གཙོ་འཁྲབ་པ་སྒྱུ་རྩལ་པ་ཞི་བདེ་ཉི་མ་དང་གཞས་མ་གཡང་ཕྱུག་འཚོ།

༢༠༡༥ ལོའི་སྤྱི་ཟླ་བརྒྱད་པའི་ཚེས་ལྔ་ཉིན། སྐབས་དོན་གཉིས་པའི་ཝེ་ནཱ་སི་རྒྱལ་སྤྱིའི་གློག་བརྙན་དུས་སྟོན་ལ་ཚུད་པའི་ཆེས་མཇུག་མཐའི་བརྩམས་ཆོས་ཐོ་ཡིག་གསལ་བསྒྲགས་བྱས་པ་ལས་ཤེས་གསལ་ལྟར་ན།

བོད་ཀྱི་གློག་བརྙན་འཁྲབ་ཁྲིད་པ་པདྨ་ཚེ་བརྟན་ལགས་ཀྱིས་ཉེ་ཆར་ཁོ་རང་ཉིད་ཀྱི་ཕ་ཡུལ་མཛོ་སྣ་སྡེ་བ་དང་འབའ་རྫོང་ནས་ཕབ་བསྐྲུན་བྱས་པའི་བོད་ཀྱི་གློག་བརྙན་བརྩམས་ཆོས་གསར་བ«ཐར་ལོ» ཞེས་པ་བདེ་བླག་ངང་འཛམ་གླིང་སྟེང་ལོ་རྒྱུས་ཀྱི་རྒྱུན་རིང་ཞིང་སྙན་པའི་གྲགས་པ་རབ་ཏུ་རྒྱས་པའི་རྒྱལ་སྤྱིའི་གློག་བརྙན་དུས་སྟོན་ཆེ་ཤས་གསུམ་གྱི་ཡ་གྱལ། ༼འཛམ་གླིང་གློག་བརྙན་དུས་སྟོན་གྱི་ཡབ་ཆེན༽དུ་འབོད་པའི་ཝེ་ནཱ་སི་རྒྱལ་སྤྱིའི་གློག་བརྙན་དུས་སྟོན་གྱི༼གནམ་ས་འབྲེལ་མཚམས༽(Orizzonti)ཞེས་པའི་རྟིང་རྩོད་འགྲན་སྡུར་ཁྲོད་ཚུད།

༼གནམ་ས་འབྲེལ་མཚམས༽ནི་ཝེ་ནཱ་སི་གློག་བརྙན་དུས་སྟོན་གཞུང་ཕྱོགས་ཀྱིས་སྤེལ་བའི་རྟིང་རྩོད་འགྲན་སྡུར་གཉིས་ལས་ཅིག་ཤོས་དེ་ཡིན་ལ། འདི་ནི་གློག་བརྙན་ཚོད་ལྟ་དང་གསར་རྩོམ་ཐད་ལ་ཡར་སྐུལ་དང་། རྒྱལ་སྤྱིའི་གློག་བརྙན་གྱི་མ་འོངས་པའི་རླབས་རྒྱུན་དང་འཕེལ་ཕྱོགས་གཙོ་གནད་དུ་འཛིན་པ་ཞིག་རེད། ཐེངས་འདིའི་འགྲན་ཞུགས་བརྩམས་ཆོས་དག་ནི་ཧྥ་རན་སི་དང་། ཨ་མེ་རི་ཁ། འཇར་མན། ཐུར་ཁེ། དབྱི་ཐ་ལི། ཁ་ན་ཏ། པེ་ལའེ་ཧྲི། ཀྲུང་གོ་སོགས་ནས་ཐོན་པའི་གློག་བརྙན་བརྩམས་ཆོས་ཉེར་གཅིག་འགྲན་ཞུགས་ཁྱབ་ཁོངས་སུ་ཚུད་ཡོད།

གློག་བརྙན«ཐར་ལོ» ནི་འཁྲབ་ཁྲིད་པ་པདྨ་ཚེ་བརྟན་གྱིས་འཁྲབ་ཁྲིད་བྱས་པའི་བོད་སྐད་ཀྱི་གློག་བརྙན་ལྔ་བ་ཡིན་ལ། ཁོང་གིས་སྔ་གཞུག་ཏུ«ལྷིང་འཇགས་ཀྱི་མ་ཎི་རྡོ་འབུམ» དང«འཚོལ» «ཁྱི་རྒན» «གཡང་མདའ» སོགས་བོད་སྐད་གློག་བརྙན་མང་པོ་ཞིག་རྒྱལ་ཁའི་ངང་བརྙན་ཕབ་གནང་ཞིང་། གོང་གསལ་གྱི་གློག་བརྙན་བརྩམས་ཆོས་དག་ལ་རྒྱལ་ཁབ་ཕྱི་ནང་ཀུན་ནས་གདེང་འཇོག་བླ་མེད་ཐོབ་ཡོད་པར་མ་ཟད། ལོ་ངོ་བརྒྱ་ལྷག་གི་ཀྲུང་གོའི་གློག་བརྙན་ལོ་རྒྱུས་ཁྲོད་མིང་དོན་མཚུངས་པའི་བོད་སྐད་ཀྱི་གློག་བརྙན་བརྩམས་ཆོས་ཐོག་མ«ལྷིང་འཇགས་ཀྱི་མ་ཎི་རྡོ་འབུམ» བྱུང་ཞིང་། འདི་ལ་སྐབས་ཉེར་ལྔ་བའི་ཀྲུང་གོའི་གློག་བརྙན་དུས་སྟོན་སྟེང་གསེར་བྱ་རྟགས་མ་སོགས་རྒྱལ་ཁབ་ཕྱི་ནང་ཀུན་ནས་མིང་གྲགས་ཅན་གྱི་བྱ་དགའ་རབ་དང་རིམ་པ་མང་པོ་ཐོབ་མྱོང་། བརྩམས་ཆོས་འདི་ཡིས་ཀྲུང་གོའི་གློག་བརྙན་ལོ་རྒྱུས་ཁྲོད་བསུབ་ཏུ་མེད་པའི་བོད་སྐད་གློག་བརྙན་གྱི་ལེའུ་གསར་བ་བསྣན་ཞིང་ཁོང་ལའང་བོད་སྐད་གློག་བརྙན་གྱི་སྲོལ་འབྱེད་པ་ཞེས་པའི་གྲགས་པའི་སྙན་པ་བསྩལ་ཅིང་། ཁོང་གི་གློག་བརྙན་གྱིས་ཕ་ཡུལ་རྣམ་པ་ཟབ་ཅིང་ཞིབ་དུ་བརྗོད་ཡོད་པས། མི་རྣམས་ཀྱིས་བོད་ཀྱི་རིག་གནས་དང་འཚོ་གཞེས་གནས་བབ་ཤེས་རྟོགས་འབྱུང་བར་ངེས་ཤེས་གསར་བ་ཞིག་སྦྱིན་ཡོད།

ཐེངས་འདིའི«ཐར་ལོ» ཞེས་པའི་གློག་བརྙན་གྱི་གཙོ་འཁྲབ་པ་ནི་སྒྱུ་རྩལ་པ་ཞི་བདེ་ཉི་མ་དང་གཞས་མ་གཡང་ཕྱུག་འཚོ་གཉིས་ཡིན་ལ། གློག་བརྙན་འདི་ལས་གཙོ་བོར་ཕྱུགས་རྫི་ཐར་ལོ་སྡོད་དམངས་འཛིན་བྱང་ལེན་དུ་འགྲོ་བའི་ལམ་བར་དུ་འཕྲད་པའི་དགའ་སྐྱོ་འདྲེས་མའི་གཏམ་རྒྱུད་བརྗོད་ཡོད་པ་ཞིག་རེད།

སྐབས་དོན་གཉིས་པའི་ཝེ་ནཱ་སི་རྒྱལ་སྤྱིའི་གློག་བརྙན་དུས་སྟོན་འདི་སྤྱི་ཟླ་དགུ་བའི་ཚེས་གཉིས་ཉིན་ནས་བཅུ་གཉིས་བར་ཆུ་ཡི་གྲོང་ཁྱེར་དུ་གྲགས་པའི་ཝེ་ནཱ་སི་ནས་གཟབ་རྒྱས་ངང་བསྡུ་རྒྱུ་རེད།

ཡོང་ཁུངས། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།