FriOctFri2019

སྤེལ་དུས་མཐའ་མ།09:45:57 AM GMT

རྩོམ་གསར།:

ནགས་བཟའ་ཚེ་རིང་སྒྲོལ་མ་མཚམས་སྦྱོར་མདོར་བསྡུས།

བོད་ཀྱི་གཞས་མ་ནགས་བཟའ་ཚེ་རིང་སྒྲོལ་མ།

ནགས་བཟའ་ཚེ་རིང་སྒྲོལ་མ་ནི་སྤྱི་ལོ༡༩༨༤ལོའི་ཟླ༤བར་མཚོ་སྔོན་ཞིང་ཆེན་མགོ་ལོག་བོད་རིག་རང་སྐྱོང་ཁུལ་རྟ་བོ་གྲོང་བརྡལ་ནས་སྐྱེས་ཤིང༌།

༢༠༠༨ལོར་མཚོ་སྔོན་སློབ་གྲྭ་ཆེན་མོའི་གསོ་རིག་སློབ་གླིང་ནས་དངོས་གཞིའི་བསླབ་གནས་བླངས་པ་དང༌། ༢༠༠༩ལོ་ནས་ད་ལྟའི་བར་མགོ་ལོག་ཁུལ་མི་དམངས་སྨན་ཁང་དུ་ཕྱག་ལས་གནང་བཞིན་ཡོད།

ཁོ་མོ་ཆུང་དུས་ནས་གླུ་གར་སྒྱུ་རྩལ་གྱི་ཐད་གཞན་དང་མི་མཚུངས་པའི་ལྷན་སྐྱེས་ཀྱི་འཇོན་ཐང་ལྡན་ལ། སློབ་གཉེར་གྱི་གོ་རིམ་ཁྲོད་རོལ་མོ་སྒྱུ་རྩལ་གྱི་ཕྱོགས་ལ་རང་སྦྱོང་དང་ཚོད་ལྟ་གང་མང་བྱས། ད་ལྟའི་བར་རིག་རྩལ་སྤྲོ་ཚོགས་ཆེ་མ་ཆུང་གསུམ་གང་མང་ལ་ཞུགས་མྱོང་བ་དང༌། རྒྱ་ཆེའི་ལྟད་མོ་བ་རྣམས་ཀྱིས་དགའ་བསུ་ཆེན་པོ་ཐོབ།

༢༠༠༤ལོའི་ཟླ༨པར་མགོ་ལོག་ཁུལ་བཙུགས་ནས་ལོ་འཁོར༥༠ལོན་པར་ལེགས་སྐྱེས་སུ་ཕུལ་པའི"རྨ་ཆེན་གངས་རིའི་གཟི་མཉམ"ཞེས་པའི་འོད་སྡེར་ནང་《གྱེས་གླུ》ཞེས་པའི་ཁོ་མོའི་ཆེས་ཐོག་མའི་རྐྱང་གཞས་དེ་བདམས་པ་དང༌། ༢༠༡༠ལོར་མགོ་ལོག་ཁུལ་མི་རིགས་གླུ་གར་ཚོགས་པས་བསྡུས་པའི་ཨ་མདོའི་བོད་ཀྱི་ལོ་སར་སྤྲོ་ཚོགས་སྟེང་ཞུགས། ༢༠༡༡ལོའི་ཟླ༦པར་མགོ་ལོག་ཁུལ་གྱིས་བསྡུས་པའི་པེ་ཅིན་སྙིང་རྗེ་སློབ་གསོ་རོགས་སྐྱོར་བྱེད་པའི་སྤྱི་ཕན་འཁྲབ་སྟོན་ལ་ཞུགས། ༢༠༡༡ལོའི་ཟླ༡༠པར“རྩྭ་ཐང་གི་འབོད་སྐུལ”ཞེས་པའི་འོད་སྡེར་དུ་ཁོ་མོའི་གླུ་དབྱངས་བརྩམས་ཆོས་གཉིས་པ་སྟེ། སྐྱེ་ཁམས་ཁོར་ཡུག་སྲུང་སྐྱོབ་བརྗོད་བྱར་བཟུང་བའི《སོས་མི་སྲིད་པའི་རྨ་ཁ》ཞེས་པ་བདམས་པ་དང༌། རྒྱལ་སྤྱི་རི་སྐྱེས་སྐྱེ་དངོས་སྲུང་སྐྱོང(FFI)ཀྲུང་གོའི་རྣམ་གྲངས་དང་རྨ་ཆུའི་འབྱུང་ཁུངས་ཀྱི་བོད་ཀྱི་སྐྱེ་ཁམས་རིག་གནས་དང་ཁམས་གསོ་མཐུན་ཚོགས་ཀྱིས“རྩྭ་ཐང་གི་སྲུང་དམག”ཞེས་པའི་མཚན་སྙན་གནང༌།

༢༠༡༡ལོའི་ཟླ༡༢པར་ཁོ་མོའི་གླུ་དབྱངས་བརྩམས་ཆོས་གསུམ་པ་སྟེ《མཐོ་སྒང་དུ་བཞད་པའི་མེ་ཏོག》ཞེས་པ་དྲ་ཚིགས་བརྒྱུད་དེ་འགྲེམས་སྤེལ་བྱས། ༢༠༡༢ལོའི་ཟླ༦པར་ཞིང་ཆེན་ཡོངས་ཀྱི་འཕྲོད་བསྟེན་སྡེ་ཁག་གི་རིག་རྩལ་འཁྲབ་སྟོན་དུ་ཞུགས་ནས《མཐོ་སྒང་དུ་བཞད་པའི་མེ་ཏོག》ཞེས་པའི་གླུ་གཞས་ལ་བྱ་དགའ་ཨང་གཉིས་པ་ཐོབ། ༢༠༡༣ལོའི་ཟླ༤པར་ཁོ་མོའི་གླུ་དབྱངས་བརྩམས་ཆོས་བཞི་པ་སྟེ《སྒྲོལ་མའི་མི་ཚེ་གཅིག》ཅེས་པ་འགྲེམས་སྤེལ་བྱས་ཤིང༌། ཟླ༦པའི་ནང་བོད་ཀྱི་གླུ་བ་གླུ་མ་མང་པོ་དང་མཉམ་དུ་མགོ་ལོག་ཁུལ་མི་དམངས་སྲིད་གཞུང་གིས་བསྡུས་པའི་སློབ་གསོ་རོགས་སྐྱོར་འཁྲབ་སྟོན་ལ་ཞུགས།

༢༠༡༣ལོའི་ཟླ༩བའི་ནང་ཁོ་མོའི་རྐྱང་གཞས་ལྔ་བ་སྟེ《རིང་ལ་མཛའ་གྲོགས་གཅིག་ཡོད》ཅེས་པ་འགྲེམས་སྤེལ་བྱས་ཤིང༌། ད་དུང《མཁའ་མཐའི་ཨ་ཕ་ཨ་མ》དང《ང་ཡི་ཕ་ཡུལ》སོགས་རྐྱང་གཞས་གསར་ཤོས་འགའ་སྒྲ་ལེན་སྒྲིག་སྦྱོང་བྱེད་མུས་སུ་མཆིས།

ཡོང་ཁུངས་ཀྲུང་གོ་བོད་ཀྱི་དྲ་བའི་རོས་མོ།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།