FriOctFri2019

སྤེལ་དུས་མཐའ་མ།09:45:57 AM GMT

རྩོམ་གསར།:

བོད་ཀྱི་གཞས་པ་གཡུ་འབྲུག་སྔོན་མོ་རྡོ་རེད་ལགས།

གཡུ་འབྲུག་སྔོན་མོ་རྡོ་རེད།

རྡུང་ལེན་པ་རྡོ་རེད་ལགས་ནི་གནམ་ཞབས་ཀྱི་རྨ་ཁུགས་དང་བོ་སྟེ། བོད་ཀྱི་རྒྱལ་བོ་འདུས་སྲོང་མང་རྗེ་དང༌།

བོད་ཀྱི་དཔའ་བོའི་མི་སྣ་གྲགས་ཅན་གླིང་གེ་སར་སྐྱེས་བུ་སོགས་མྱེས་པོ་གྲགས་ཅན་མང་པོ་ཞིག་གི་ཞབས་ཀྱིས་བཅགས་པའི་གནས་མཆོག་སྐོང་གསེར་ཁ་མདོ་རུ་ཆགས་པའི་ཁྲོ་ཁོ་དབལ་པན་ཚང་གི་ཕ་རྔ་བ་སྐལ་སྦྱིན་དང་མ་རྩེ་ཟ་ཡང་དག་སྐྱིད་གཉིས་ཀྱི་གཡང་ཁྱིམ་དྲོན་མོ་རུ་སྐྱེས། ཁོ་རིམ་པ་བཞིན་རྨ་ཆུ་རྫོང་བོད་རིགས་སློབ་འབྲིང་དང་ཀན་ལྷོ་བོད་རིགས་རང་སྐྱོང་ཁུལ་མི་རིགས་ཆེད་གཉེར་སློབ་གྲྭ། མཚོ་སྔོན་སློབ་གསོ་སློབ་གླིང་སོགས་འགྲིམས་ནས་ཕྱིར་རྨ་ཆུ་རྫོང་བོད་རིགས་སློབ་འབྲིང་དུ་ཕེབས་ཏེ་དགེ་རྒན་གྱི་ལས་ལ་ཞུགས། ཁོས་ལོ་ངོ་དུ་མའི་དགེ་རྒན་གྱི་ལས་གནས་ཁྲོད་ནས་སྤྱོད་ཡོན་གཉིས་ལྡན་གྱི་བོད་རིགས་བྱིས་པ་མང་བོ་གསོ་སྐྱོང་བྱས་པའི་རླབས་ཆེན་བྱ་གཞག་ལ་ཁུལ་དང་རྫོང༌། སློབ་གྲྭ་བཅས་ནས་ཕུལ་བྱུང་དགེ་རྒན་དང་ཕུལ་བྱུང་འཛིན་བདག ད་དུང་ཁྲིད་ཐབས་སྔོན་ཐོན་ཅན་གྱི་དགེ་རྒན་སོགས་ཀྱི་གཟེངས་སྟོད་ཀྱི་མཚན་སྙན་མང་བོ་ཐོབ་མྱོང༌། ལྷག་པར་དུ་ཁོའི་ཨ་མ་་ཡང་དག་སྐྱིད་ནི་ཡུལ་དེར་མིང་གྲགས་ཆེ་བའི་དམངས་ཁྲོད་གླུ་མ་ཞིག་ཡིན་པའི་ཤུགས་རྐྱེན་ལས་ཁོ་ཆུང་ངུའི་དུས་ནས་དམངས་གླུ་དང་རྩེད་རིགས་ལ་ཧ་ཅང་དགའ་བའི་བག་ཆགས་ཤིག་གིས་གླུ་གར་གྱི་ཁ་ཕྱོགས་ཤིག་སྟོང་འདང་གི་རི་མོ་དུ་མ་ཞིག་བྲིས་ཟེར།

ཁོ་རྫོང་བོད་རིགས་སློབ་འབྲིང་གི་ལོ་རིམ་གཉིས་པའི་སྐབས་སུ་ཕུ་བོ་བཀྲ་ཤིས་ཀྱིས་རོགས་སྐྱོར་འོག་ནས་ལོ་ངོ་དུ་མའི་སྨི་ལམ་ལྟ་བུའི་རེ་འདུན་སྟེ། ཡུན་རིང་སེམས་ལ་ཉལ་བའི་སྒྲ་སྙན་རྡུང་ལེན་སྦྱང་བའི་སྐལ་བ་ལྡན། དེ་ནས་བཟུང་ཁོས་སློབ་ཞོར་དང་ལས་ཞོར་ལ་བོད་ཀྱི་སྒྲ་སྙན་རྡུང་ལེན་ལ་ཧུར་ཐག་གིས་སྦྱང་བ་བྱས་ནས ༡༩༨༦ལོ་ནས་བཟུང་རྒྱལ་ཁབ་རིམ་པ་དང་ཞིང་ཆེན་རིམ་པ། ཁུལ་རིམ་པ། ས་གནས་རིམ་པའི་འཁྲབ་སྟོན་མང་བོར་ཞུགས་ལ་ཀན་ལྷོ་རྒྱང་བསྒྲགས་ཁང་དང་མཚོ་སྔོན་རྒྱང་བསྒྲགས་ཁང༌། མཚོ་སྔོན་བརྙན་འཕྲིན་ཁང༌སོགས་ཀྱི་གར་སྟེགས་དང༌། གཞན་སྒྲ་ཐག་དང་འོད་སྡེར་དུ་མ་བརྒྱུད། 《ཕྱིང་གླུ་བཀྲ་ཤིས་དགུ་འཁྱིལ་དང》 《སློབ་བུ་དགྱེས་པའི་དགའ་སྟོན》 《གེ་དྲུག》སོགས་མི་རིགས་ཀྱི་ལོ་རྒྱུས་དང་སྒྱུ་རྩལ་དུང་ཞེན་སོགས་ཀྱི་གསོན་ཉམས་དང་རིན་ཐང་གིས་ཕྱུག་པའི་རྡུང་ལེན་གྲངས་མང་ཞིག་རྒྱ་ཆེའི་བོད་རིགས་སྤུན་ཟླ་རྣམས་ཀྱི་སྙན་ལམ་དུ་ཕུལ་མྱོང་བར་མ་ཟད། ཁོ་ལ་ཐེངས་དང་པོའི་མདོ་ཁམས་ཡུལ་གྱི་དམངས་གླུ་དང་རྡུང་ལེན་འགྲན་སྡུར་སྐབས་རྡུང་ལེན་གྱི་ཨང་གཉིས་པ་དང་དམངས་གླུའི་ཨང་གསུམ་པའི་གཟེངས་སྟོད་མཚན་སྙན་ཐོབ་ལ། ཀན་ལྷོ་ཁུལ་གྱི་ན་གཞོན་གླུ་བའི་འགྲན་སྡུར་ཁྲོད་སྔ་གཞུག་ཏུ་ཨང་གསུམ་པ་ནས་དང་པོའི་གཟེངས་སྟོད་མཚན་སྙན་ཐོབ་མྱོང༌།

ད་དུང་ཁོའི་བརྩམས་པའི་སློབ་བུ་དགྱེས་པའི་དགའ་སྟོན་(བོད་ཡིག་དབྱིངས་གསལ་གཉིས་ལ་སྦྱར་བའི་དབྱངས)གྱི་དབྱངས་ལ་ཐེངས་ལྔ་བའི་ཤར་བྱང་དང་ཀྲུང་ཧྭ་བྱང་རྒྱུད། ནུབ་བྱང་ས་ཁུལ་གྱི་ལྗོངས་དང་ཞིང་ཆེན་རིམ་པའི་ན་ཆུང་བྱིས་པའི་རིག་རྩལ་འཁྲབ་སྟོན་ཁྲོད་གསར་རྩོམ་གྱི་གཟེངས་སྟོད་མཚན་སྙན་ཨང་གཉིས་པ་ཐོབ། འདི་དག་ནི་རྡུང་ལེན་པ་རྡོ་རེད་ཀྱིས་བརྒྱུད་མྱོང་བའི་ལམ་ཕྲན་གྱི་ཟུར་ངོས་ཙམ་རེད། དོན་དངོས་ཐོག་ནས་ཀྱང་ཁོང་ནི་བོད་ཀྱི་གླུ་བ་གླུ་མ་ཚོའི་ཁྲོད་ནས་གླུ་ཚིག་གི་སྲོག་དང་དབྱངས་ཀྱི་ལུས། རོལ་མོའི་རྒྱན། གར་གྱི་སྟངས་སྟབས་སོགས་ཉམས་འགྱུར་གྱི་ཐད་ནས་རང་སྐྱ་ཕེར་བའི་ཚབ་མཚོན་མི་སྣ་གཅིག་པུར་ངོས་བཟུང་ན་མི་ཆོག་རྒྱུ་མི་འདུག་པར་མ་ཟད། ཁོས་རིག་རྩལ་གྱི་གོམ་འགྲོས་ཁྲོད་ནས་བོད་རིགས་ན་གཞོན་རྡུང་ལེན་པ་མང་བོ་ཞིག་གསོ་སྐྱོང་བྱས་མྱོང་ལ་གཟེངས་སྟོད་ཀྱི་མཚན་སྙན་ཡང་མང་བོ་ཞིག་བླངས་མྱོང༌། དཔེར་ན། ད་ལྟ་བོད་ཁམས་ན་སྙན་གྲགས་རྒྱས་པའི་གླུ་བ་ཤེར་བསྟན་དང༌། དགའ་ལྡན། བློ་བཟང༌། མགོན་པོ་དོན་གྲུབ(ད་ལྟ་ཕྱི་རྒྱལ་ན་ཡོད) རྡོ་བསྟན་པ་དར་རྒྱས། གླུ་མ་སངས་རྒྱས་འཚོ་དང་ཆོས་འཛོམས་སོགས་མང་ཁ་ཕྱོགས་ལ་བརྟེན་ཏེ་འཚར་ལོངས་བྱུང་བ་ནི་དུས་རབས་གསར་བའི་བོད་རིགས་གླུ་གར་གྱི་གར་སྟེགས་ལ་སྙན་འཇེབས་དྲི་ཟའི་གླིང་བུ་གསར་བའི་ཆུན་པོ་ཞིག་གསར་དུ་བསྣན་པ་ཡིན་པས་བཀའ་དྲིན་ཤིན་ཏུ་ཆེ་བ་དང༌། ད་ལྟ་ཁོས་མདོ་ལྷོ་ཁུལ་རྨ་ཆུ་རྫོང་དུ་བྱ་བ་སྒྲུབ་མུས་དང་མགོ་ལོག་གཅིག་སྒྲིལ་(གཉན་པོ་གཡུ་རྩེ)རྫོང་སྨིན་ཐང་རྡོ་རྗེ་བརྟན་ལག་རྩལ་སློབ་གྲྭ་རུ་ཉམས་མྱོང་དང་མཛུབ་སྟོན་གྱི་བཀའ་དྲིན་སྐྱོང་བཞིན་ཡོད།།

ཡོང་ཁུངས་ཀྲུང་གོ་བོད་ཀྱི་དྲ་བའི་རོས་མོ།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།