TueOctTue2017

སྤེལ་དུས་མཐའ་མ།09:34:26 AM GMT

རྩོམ་གསར།:

ཁམས་མི་ཉག་ཡུལ་གྱི་གནས་མཆོག་ཕོ་བྲང་ལྔ་བརྩེགས།

ཁམས་མི་ཉག་ཡུལ་གྱི་གནས་མཆོག་ཕོ་བྲང་ལྔ་བརྩེགས།

ཁམས་མི་ཉག་ཡུལ་གྱི་གནས་མཆོག་ཕོ་བྲང་ལྔ་བརྩེགས་ཀྱི་ངོ་སྤྲོད་མདོར་བསྡུས་ཤིག་རྣམ་པ་ཚོར་གཟིགས་འབུལ་ཞུ་རྒྱུ་བྱུང་བ་ནི་དགའ་སྤེབས་རང་བཞིན་རེད། གནས་མཆོག་དེ་ནི་ཨོ་རྒྱན་རྗེས་འབངས་ཉེར་ལྔའི་ནང་མཚན་བྲག་རི་ཐོག་མེད་ལྷ་ལུང་དཔལ་གྱི་རྡོ་རྗེས་རྒྱལ་པོ་གླང་དར་མ་བགྲོངས་ནས་མདོ་ཁམས་ཕྱོགས་སུ་བྱོན་དུས་གནས་དེར་བཞུགས་ནས་གནས་གོ་ཐོག་མར་ཕྱེས་པས་ཕྱི་ལྟར་རྒྱལ་བ་རིག་གསུམ་མགོན་པོའི་གནས་དང༌།ནང་ལྟར་རྡོ་རྗེ་ཕག་མོ།གསང་བ་རྒྱལ་བ་རིགས་ལྔའི་གནས་སུ་ངོས་བཟུང་ནས་གནས་སྒོ་ཕྱེས་ཏེ།དམ་སྲི་ཕོ་མོ་སོགས་བཏུལ་ནས་ངོ་མཚར་ཅན་གྱི་གྲུབ་རྟགས་ཡ་མ་ཟུང་མང་དུ་བསྟན་པ་ད་ལྟའང་མངོན་སུམ་མིག་གི་སྤྱོད་ལམ་དུ་མཐོང་རྒྱུ་ཡོད།
ལྷ་ལུང་དཔལ་གྱི་རྡོ་རྗེས་མི་ཉག་སྟོད་སྨད་ནས་གནས་སྒོ་ཕྱེས་པའི་གནས་ཡུལ་མང་ཙམ་བཞུགས་ཀྱང་མཐར་ལྔ་བརྩེགས་གནས་ནས་གཟུགས་སྐུ་ཆོས་དབྱིངས་སུ་བསྡུས་པས་སྐུ་གདུང་དེར་བཞུགས་ཀྱང་རྗེས་སུ་བོད་སྡེ་པ་ཝང་ནས་བོད་ལ་གདན་འདྲེན་བྱེད་སྐབས་ཁམས་མདོ་སྨད་ཡུལ་ནས་ཡར་མ་བསྐུར་བར་འདྲ་སྟོད་བྲག་ཐོག་དཔོན་གྱི་ཉེ་ཞབས་ཤེའུ་ཆུའི་འགྲམ་དུ་བཞུགས་པས་དུས་འགྱུར་ཟིང་ལོང་གི་སྐབས་ཤེའུ་ཆུའི་ནང་མདུད་གཤེགས་པར་གྲགས་ཀྱང་ངེས་པ་མེད་པས་བརྟག་པར་བྱའོ། གནས་རི་དེའི་གནས་ཤིང་རྣམས་བོད་ཀྱི་ཙན་དན་དཀར་པོ་ཞེས་སྨན་སྣ་ཡི་རྫས་སུ་ལེན་སྲོལ་ཡོད།
གནས་དེར་ཁྲོ་ཟུར་དྷརྨ་བཛྲ་དང་ཉག་རོང་མཁན་པོ།བྱ་བྲལ་པད་མ་ནོར་བུ།བླ་མ་ཨ་པད།བླ་མ་ཀུན་བཟང་ཆོས་གྲགས་སོགས་སྐྱེས་ཆེན་དམ་པ་མང་པོ་བྱོན་མྱོང་ལ་བྱ་བྲལ་པད་མ་ནོར་བུ་དང་བླ་མ་ཨ་པད་གཉིས་ཕྱག་ནག་རྡོ་རྗེའི་གནས་རིར་བཞུགས་སྐབས་ལྷ་འདྲེས་ཆོ་འཕྲུལ་བརྩམས་པ་བླ་སློབ་གཉིས་ཀས་བཟློག་པ་དང༌།སྒྲུབ་གནས་དེར་གྲུབ་རྟགས་བྲག་ལ་ཕུར་པ་བཏབ་པ་དང་གྲུབ་ཆུ་བྱུང་བ་ཤིང་ལ་ཕྱག་མདུད་མཛད་པ།གནས་མདུན་ལ་ལྷ་ཁང་བཞེངས་པ་སོགས་ཀྱི་མཛད་རྗེས་ད་ལྟའང་ཡོད།
བོད་རབ་བྱུང་བཅུ་དྲུག་པའི་མེ་མོ་ལུག་ལོའི་བོད་ཟླ5པའི་ཚེས་9དུས་ཚོད་8ཐོག་གཞི་རི་བྲག་དཀར་ཞེས་པའི་རི་དེ་ཞིག་ནས་ཉག་ཆུ་ཉིན་ཞག་བདུན་ལྷག(ཉིན་ཞག་བཅོ་བརྒྱད་ཀྱང་ཟེར་སྲོལ་འདུག)བཀག་སྟེ།ཕོ་བྲང་ལྔ་བརྩེགས་ཀྱི་རྩེག་འོག་མའི་སྒྲུབ་ཕུག་དང་རང་བྱོན་རྣམས་དང༌།ལྷ་ལུང་དཔལ་གྱི་རྡོ་རྗེའི་བཞུགས་གནས།བསྐལ་པ་མར་མེའི་མཆོད་རྟེན་སོགས་ཕལ་ཆེར་ཆུ་འོག་ཏུ་ནུབ།དེའི་རྗེས་སུ་བཀའ་དྲིན་གཞལ་ཐབས་མེད་པའི་མཆོག་སྤྲུལ་ལུང་རྟོགས་དང་བླ་མ་མཁས་གྲུབ།བླ་མ་བསོད་ནམས་བཟང་པོ་སོགས་ཀྱི་དྲིན་ལ་བརྟེན་ནས་སྐུ་གསུང་ཐུགས་རྟེན་ལེགས་པར་གྲུབ་བོ།
གནས་མཆོག་ཕོ་བྲང་ལྔ་བརྩེགས་ཀྱི་གནས་འདུས་ནི་སྦྲུལ་ལོ་ནམ་ཤར་དང་སྦྲུལ་ཟླ་ནམ་ཚེས་ཀྱི་དུས་ཡིན་ལ་ཕན་ཡོན་ནི་ཕྱག་སྐོར་བྱས་ཚད་ངན་སོང་སྐྱེ་སྒོ་གཅོད།།བཀུར་སྟི་བྱས་ཚད་མཐོ་རིས་གནས་སུ་སྐྱེ།།ཚོགས་འཁོར་ལན་གཅིག་བསོད་ནམས་ཚོགས་ཆེན་རྫོགས།།ཚོགས་འཁོར་ལན་གཉིས་ལས་ཀྱི་རྣམ་སྨིན་བྱང༌།།ཚོགས་འཁོར་ལན་གསུམ་ཨོ་རྒྱན་པད་མ་བདག།དངོས་ཉམས་རྨི་ལམ་བརྡ་ཡི་ཚུལ་དུ་མཇལ།།ཚོགས་འཁོར་བརྒྱ་རྩས་མཁའ་སྤྱོད་གནས་སུ་སྐྱེ།།མཆོག་ཐོབ་འདོད་ན་རྩེ་གཅིག་སྒྲུབ་པས་འགྲུབ།།འབྲེལ་ཚད་དོན་ལྡན་གནས་མཆོག་ཨེ་མ་ཧོ།།ཞེས་གསུངས་པ་ལྟར་རོ།།
ཁམས་པའི་གསར་འགྱུར་དྲ་བ།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།