FriAprFri2017

སྤེལ་དུས་མཐའ་མ།06:49:09 AM GMT

རྩོམ་གསར།:

མདོ་ཁམས་དཔལ་ལྷ་སྒང་དགོན་པའི་ལོ་རྒྱུས་མདོར་བསྡུས།

བྱིན་གྱིས་ཆགས་པའི་དཔལ་ལྷ་སྒང་།
བྱིན་གྱིས་ཆགས་པའི་དཔལ་ལྷ་སྒང་།
བྱིན་གྱིས་ཆགས་པའི་དཔལ་ལྷ་སྒང་།

གནས་མཆོག་དཔལ་ལྷ་སྒང་ནི་དར་མདོ་རྫོང་དང་སྤྱི་ལེ110ཡིས་བརྒྱངས་པའི་ནུབ་བྱང་མཚམས་སུ་ཆགས་ཤིང་མཚོ་ངོས་ལས་རྨིས3730མཐོ་ལ་རྒྱ་ཁྱོན་སྤྱི་ལེ་གྲུ་བཞི་མ712.37ཡོད།

གནས་དེ་རུ་རྩྭ་ཆུ་འཛོམས་ལ་རྟ་ནོར་ལུག་གསུམ་འཕེལ་ཁ་དར་བ་དང༌། དྭངས་ཤིང་གཙང་བའི་གངས་ཆུ་བསིལ་མ་དང་མཐོ་ཞིང་བརྗིད་པའི་གངས་རི་དཀར་པོ། ནེམ་ཞིང་འཇམ་པའི་སྤང་ཐང་ཡངས་མོ། ཆོས་ཀྱི་དུང་སྒྲ་ལྷང་ལྷང་གྲག་པའི་དགོན་པ། བོད་མིའི་ཁྱད་ཆོས་འབུར་དུ་ཐོན་པའི་སྡོད་ཁང་བཅས་ཀྱིས་དག་པའི་ཞིང་ཁམས་ཤིག་མངོན་པར་གྲུབ་པས་གནས་མཆོག་དཔལ་ལྷ་སྒང་ནི་ཀློག་མི་ཚར་བའི་དཔེ་ཆ་ཞིག་དང་འདྲ་བར་དུས་ནམ་ཡང་མི་སེམས་འཕྲོག་པའི་ལེའུ་གསར་པ་རེ་རེ་ཡོད།ཐེངས་འདིར་དཀར་མཛེས་ཁུལ་པར་འདེབས་ལྷན་ཚོགས་ཀྱི་ཚོགས་མི་ལིའུ་ཧོང་གི་བརྩམས་ཆོས་ཆ་ཤས་ལྷན་རྒྱས་ཀྱི་སྤྱན་ལམ་དུ་ཕུལ་བར་ཀུན་གྱིས་གཟིགས་རོགས་མཛོད།

མདོ་ཁམས་དཔལ་ལྷ་སྒང་དགོན་པ། སྤྱིར་གདན་ས་འདི་གནས་བྱིན་རླབས་ཅན་ལྷ་ཐམས་ཅད་ཤིན་ཏུ་དགའ་ས་ཡིན་པས་ལྷ་དགའ་ཞེས་འབོད་སྲོལ་ཡོད། རྗེས་སུ་ལྷ་སྒང་ཞེས་ཡི་གེ་སྲོལ་ཆགས་ཡོད་ཀྱང་དོན་ལ་ལྷ་དགའ་ཡིན་པ་ཤེས་དགོས།ཡང་འགྲེལ་ལུགས་འགའ་རེ་ན་ལྷ་དགའ་སའི་གནས་ཁྱད་པར་ཅན་མི་ཉག་རབ་སྒང་དུ་གཏོགས་པས་ལྷ་སྒང་ཞེས་བྲིས་ཀྱང་ཟེར།

ལྷ་སྒང་དགོན་མཐོང་གྲོལ་བསམ་གྲུབ་གླིང་ཆོས་སྡེ་ཆེན་པོ་ཞེས་པ་ནི་དར་མདོ་མི་ཉག་རབ་སྒང་གི་ཆར་གཏོགས་ཤར་སྟོད་བཞག་བྲ་དཀར་པོའི་མདུན་ཞོལ་དུ། ལྕགས་གླང་སྤྱི་ལོ641ལོར་བོད་རྒྱ་སྲོང་བཙན་སྒམ་པོས་སྒོ་མིག་རྒྱ་ནག་ལ་བསྟན་པའི་ལྷ་ཁང་བརྒྱ་རྩ་བརྒྱད་བཞེངས་པའི་ཐ་མར་མི་ཉག་རབ་སྒང་དུ་ཡོངས་རྫོགས་རབ་དགའི་ལྷ་སྒང་དགོན་འདི་ཉིད་བཞེངས་པར་གྲགས་སོ།

གྲུབ་མཐའ་སྔོན་མ་བཀའ་བརྒྱུད་པ་ཡིན། ཕྱིས་སུ་ས་སྐྱ་ལ་གྱུར་ཡོད། གྲྭ་ས་རྫོང་གསར་སོགས་ལ་འགྲོ་སྲོལ་ཡོད། ཆོ་ག་ཕྱག་ལེན་ནི་ངོར་པ་དཔོན་སློབ་ཀྱིས་ཁྲིད་པར་བཤད། དང་པོ་དགོན་པ་འདེབས་མཁན་ནི་ཕ་བླ་མ་ཚང་ཟེར་བ་དེས་བཏབ་པ་ཡིན་ཟེར། རྟེན་གཙོ་བོ་ནི་བློན་པོ་མགར་དང་རྒྱ་བཟའ་ཀོང་ཇོ་གཉིས་བོད་དུ་བྱོན་སྐབས་ཡུལ་འདིར་བཞུགས་ཏེ་ཇོ་བོ་ཤཱཀྱ་མུ་ནེའི་ཞལ་སྐྱིན་དུ་ཁོང་རྣམ་གཉིས་ཀྱིས་བཞེངས་པར་བཤད་སྲོལ་ཡོད། ཇོ་བོས་འདིའི་ཡན་ལ་མི་འགྲོ་གསུངས་ནས་གསུང་འབྱོན་པས་མཚན་ལ་ཇོ་བོ་མི་འགྲོ་གསུང་འབྱོན་ཟེར།ལྷ་སའི་ཇོ་བོ་དང་ངོས་མཉམ་པར་བཤད་པས་ལྷ་ས་ལ་འགྲོ་རྒྱུའི་ཁས་ལེན་ཡོད་ན་ལྷ་སྒང་ཇོ་བོ་མཇལ་ན་ཁས་ལེན་སོད་པར་གྲགས་སོ།

འགན་ཁུར་སྐོར།དགོན་བདག་གཅིག ཁྲི་བ་གཅིག དབུ་མཛད་གཅིག དགེ་སྐོས་གཅིག མཆོད་དཔོན་རྒན་གཞོན་བཞི། ཕྱག་མཛོད་གཉིས། གྲྭ་པའི་ཞལ་གྲངས་བརྒྱ་དང་བདུན་ཅུ་ནས་ཉིས་བརྒྱ་ལྷག་ཙམ་བཞུགས།ཁང་པའི་གྲངས་ཀའི་སྐོར། གཙུག་ལག་ཁང་གཅིག འདུ་ཁང༌།གཉེར་ཁང༌། དཔེ་མཛོད་ཁང་གཉིས།ཇ་ཁང༌། གྲུབ་ཐོབ་མཆོད་རྟེན་ལྷ་ཁང༌། ཨུ་རྒྱན་ལྷ་ཁང༌། བླ་བྲང་ཁང༌།སྲུང་མ་ཁང༌། ཇོ་བོའི་ལྷ་ཁང༌།འཁོར་ཁང་བརྒྱད།སྐུ་གསུང་ཐུགས་རྟེན་སྐོར།ཇོ་ཁང་ནང་དུ་རྟེན་གཙོ་ཇོ་བོ་མཐོང་བ་དོན་ལྡན་ཆེ་བ་གཅིག ཐོག་རྩེག་གཅིག་ཅན་གྱི་སྤྱན་རས་གཟིགས་ཕྱག་སྟོང་སྤྱན་སྟོང་ཁྱད་པར་བ་གཅིག བློན་པོ་མགར་གྱིས་བཟོས་པའི་སྟོན་པའི་སྐུ་གཅིག ལུས་ཚད་མ་གསེར་ཟངས་ལས་གྲུབ་པའི་རྒྱལ་དབང་ཀརྨ་པའི་སྐུ་གཅིག ཐོག་བརྩེགས་གཅིག་ཅན་གྱི་རྒྱལ་བ་བྱམས་པ། གུ་རུ་མཚན་བརྒྱད། དུས་གསུམ་སངས་རྒྱས།ས་པཎ། སྟོན་པ་བདུད་རྩི་འབབ་མཁན་དང་བཅས་པ་མང་ངོ།

བཀའ་འགྱུར་ཁང་དུ་ཆོས་རྒྱལ་འཕགས་པས་གནང་བའི་བྱམས་པ་ལུས་ཚད་མ་གཅིག ཙན་དན་གྱི་བྱམས་པ་སོགས་ཡོད།བཀྲ་ཤིས་སྒོ་མང་མཆོད་རྟེན་ནང་དུ། ཐོག་བརྩེགས་གཅིག་ཅན་གྱི་དུས་གསུམ་སངས་རྒྱས།སྐུ་གདུང་ཆ་བརྒྱད།རྒྱ་བཟའ་ཀོང་ཇོའི་སྐུ།གསེར་སྐུ་བཅས་མང་པོ་ཡོད།

སྲུང་མ་ཁང་ནང་དུ། གུར་ཞལ་ལྷ་གསུམ། ལས་མགོན་སྡེ་ལྔ། བྲག་ལྷ། རྟ་མགྲིན། གསེར་སྐུ་ཆེ་ཆུང་ལྔ་བཅུ་ལྷག་ཙམ་ཡོད། ཐང་མོ་ཆེ་གཅིག དེ་མིན་ཐང་ག་ཆེ་ཆུང་ལྔ་བཅུ་ལྷག་ཙམ་མོ། བཀའ་བསྟན་གཉིས་ཚར་གཉིས་རེ། དགོན་པའི་རྒྱབ་ཀྱི་ཕྱོགས་བཞི་ལ་མཆོད་རྟེན་ཆེན་པོ་བཞི་ཡོད་དེ། ཤར་དཀར་རིས།ལྷོ་སེར་རིས།ནུབ་དམར་རིས། བྱང་ལྗང་རིས་བཅས་བཞི་ཡོད། དེའི་དཀྱིལ་དུ་མཆོད་རྟེན་བརྒྱ་དང་བརྒྱད་ཡོད། དགོན་པའི་མཐའ་སྐོར་དུ་རིགས་གསུམ་མགོན་པོའི་གནས་རིས་བརྒྱན་ཡོད། སྒོ་ཆེན་རྒྱབ་ཏུ་མཆོད་རྟེན་ཆེ་བ་གཅིག་ཡོད།

རྟེན་གནའ་རྫས་རྩ་ཆེན་སྐོར།གསེར་སྐུ་རྒྱ་ནག་ལི་མ་མེ་ཐར་མ་ཟེར་བ་གཅིག རྣམ་རྒྱལ་མ། རྒྱ་གར་ཤར་ལིའི་སྟོན་པའི་སྐུ། དེ་མིན་ཐུབ་པ་གཅིག བཀའ་གདམས་མཆོད་རྟེན་བཞི། ཇོ་བོའི་དབུ་རྒྱན་གསེར་དངུལ་ལས་མགར་བ་ཆ་གསུམ། སྙན་རྒྱན་ཆ་གཉིས། མགུལ་རྒྱན་ཆ་གཉིས། གཡུ།བྱུ་རུ། མུ་ཏིག སྤོས་ཤེལ་སོགས་དང༌། དངུལ་གྱི་ཏིང་ཕོར་ཆ་ལྔ་ཡོད། ལིའི་ཏིང་ཕོར་ཆ་ལྔ་ཡོད། ནང་མཆོད་ཆ་གསུམ། དངུལ་ཀོང་ཆེ་ཆུང་སུམ་ཅུ་ཙམ། ཟངས་རག་གི་ཀོང་བུ་བརྒྱད་ཅུ་ལྷག་ཙམ།མུ་ཏིག་གི་དུང་གཤམ་རྒྱུ་ཆ་གཅིག གཡུའི་སེང་གེ་ཆ་གཅིག དུང་ཆ་གསུམ། དུང་ཆོས་དང་གཟུངས་ཐག་རྡོ་རྗེ་ཆ་གཉིས། སིལ་སྙན་ཆ་ལྔ། སྦུག་ཆལ་ཆ་སུམ་ཅུ་ཙམ།རྡོར་དྲིལ་ཆ་གསུམ། རྐང་གླིང་ཆ་བཞི།རྒྱ་གླིང་ཆ་གཉིས། དུང་ཆེན་ཆ་གསུམ། གདུགས་རྒྱལ་མཚན་བ་དན་ཀ་འཕན་བཅས་མཆོད་རྫས་ཆ་ཚང་བ་ཡོད།

དུས་མཆོད་འཚོགས་རྒྱུའི་སྐོར། ཟླ་བ་དང་པོའི་ཚེས་གཅིག་ནས་ཉིན་བཅོ་ལྔ། ཟླ་བ་གཉིས་པའི་ནང་ལོ་གཏོར་ཉིན་ལྔ། ཟླ་བ་གསུམ་པའི་ནང་འདས་མཆོད་ཉིན་གཅིག བཞི་པའི་ནང་ཀུན་རིག་སྒྲུབ་མཆོད་ཉིན་བཅུ།བསྙེན་གནས་ཉིན་ལྔ། ལྔ་པའི་ཀྱཻ་རྡོར་སྒྲུབ་མཆོད་ཉིན་བདུན། དྲུག་པའི་ཚེས་གཅིག་ནས་བཅོ་ལྔ་བར་དུ་དབྱར་ཆོས་འཚོགས།འཆམ་རྒྱག་རྒྱུ་དང་བཅས་པ་ཆ་ཚང་བ་ཡོད། དེ་རྗེས་དབྱར་གནས་ཟླ་བ་གཅིག་ཕྱེད་འཚོག་དགོས།བཅུ་གཅིག་པའི་ནང་ས་པཎ་འདས་མཆོད་ཉིན་གཅིག བཅུ་གཉིས་པའི་ནང་དགུན་ཆོས་ཉིན་བཞི། བཤད་གྲྭ་དང་སྒྲུབ་གྲྭ་ཡང་ཡག་པོ་ཡོད། གྲྭ་ས་གཙང་ངོ་རུ་དགོན་ཡིན། གདན་ས་འདིར་སྐྱེས་ཆེན་དམ་པ་ཆོས་རྒྱལ་འཕགས་པ་དང༌། རྒྱལ་བ་ཚང༌། པཎ་ཆེན། ས་སྐྱ་གོང་མ། བཻ་རོ་ཙཱ་ན། ངག་དབང་ལེགས་པ། གཅུང་རིན་པོ་ཆེ། ཀརྨ་པ། མདོ་མཁྱེན་བརྩེ་སོགས་དམ་པའི་སྐྱེ་བུ་མང་པོ་བྱོན་མྱོང་ཡོད།

ད་ལྟར་འདུ་ཁང་དང༌། སྲུང་མ་ཁང༌། གཉེར་ཁང༌། ཇ་ཁང༌། བླ་བྲང་ཁང༌། གྲྭ་ཤག་བརྒྱད་ཅུ་གྱ་ལྔ། འཁོར་ཁང་སོགས་ཞིག་གསོ་བྱས་ཡོད།འདམ་སྐུ་དང་གསེར་ཟངས་ལས་གྲུབ་པའི་སྐུ་འདྲ་ཆེ་ཆུང་དྲུག་ཅུ་ལྷག་ཙམ།བཀའ་བསྟན་ཚར་གཉིས་རེ་ཡོད། བཀའ་འབུམ་སྐོར་མང་པོ་བཞུགས། དུས་མཆོད་སོགས་སྔར་བཞིན་ཡོད། མཆོད་ཆས་དང་རོལ་མོ། མཆོད་རྟེན་ཆེ་བ་བཞི་གཙོ་བོ་དང་གཞན་ས་རྡོ་ལས་གྲུབ་པའི་མཆོད་རྟེན་བརྒྱ་དང་བརྒྱད་ཡོད་དོ།།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།