TueJunTue2017

སྤེལ་དུས་མཐའ་མ།04:53:59 AM GMT

རྩོམ་གསར།:

མི་ཉག་ལྕགས་ཟམ།

མི་ཉག་ལྕགས་ཟམ་ནི་མི་ཉག་གླིང་ཆུ་ཁྲ་མོ་ཞེས་པའི་ཆུ་བོའི་ཐོག་ལ་བཙུགས་ཡོད།

དར་མདོ་གྲོང་ཁུལ་ནུབ་རྒྱུད་ཀྱི་སྤྱི་ལེ་བརྒྱ་ལྷག་ཙམ་རྒྱང་བའི་སར་ལྕགས་ཀྱི་དཔྱང་ཟམ་ཞིག་བཙུགས་ཡོད་ཅིང་།

དེ་ནི་མི་ཉག་གླིང་ཆུ་ཁྲ་མོ་ཞེས་པའི་ཆུ་བོའི་ཐོག་ལ་བཙུགས་ཡོད་པ་རེད། མི་རྣམས་ཀྱིས་དཔྱང་ཟམ་དེར་མི་ཉག་ལྕགས་ཟམ་ཞེས་པ་དང་ས་གནས་དེའི་ཕྱོགས་སུ་ཆགས་པའི་གྲོང་སྡེ་ལ་ལྕགས་ཟམ་ཁ་ཞེས་འབོད་ཀྱི་ཡོད་པ་རེད།

ས་གནས་དེ་གའི་རྒན་རབས་པ་ཚོས་འཆད་པར་གཞིགས་ན། ལྕགས་ཟམ་དེ་ནི་དུས་རབས་བཅོ་ལྔ་བའི་ཡས་མས་སུ་གྲུབ་ཐོབ་ཀྱི་སྙན་གྲགས་ཀུན་ཏུ་ཁྱབ་པའི་དྲིན་ཅན་ཐང་སྟོང་རྒྱལ་པོས་ས་གནས་དེ་ཕྱོགས་ཀྱི་ཆུ་ངོགས་གཉིས་ཀྱི་མི་རྣམས་ཕན་ཚུན་འགྲོ་འོང་བྱེད་པ་དཀའ་བའི་རྣམ་པ་སེལ་ཕྱིར་ལྕགས་ཐག་དཔྱང་བའི་ཟམ་པ་འདི་བཙུགས་པར་གྲགས། དེ་ལྟར་དུ་བརྩིས་ན་ལྕགས་ཟམ་དེ་བཙུགས་ནས་ཧ་ལམ་ལོ་ལྔ་བརྒྱ་ཙམ་འདས། བདག་རང་གིས་ལྕགས་ཟམ་དེར་ལྟ་སྐོར་ཞིབ་་མོ་བྱས་པར་བརྒྱུད་ལྟ་ཚུལ་འདི་འདྲ་ཞིག་ཆགས།

དེའི་དུས་སུ་ད་དུང་སྔོན་ཐོན་གྱི་ཚ་ལ་རྒྱག་སྟངས་ཀྱི་ལག་རྩལ་དར་སྤེལ་བྱུང་མེད་ཀྱང་ལྕགས་ཟམ་དེའི་ལྕགས་ལུང་སོ་སོར་བརྒྱབ་པའི་ཚ་ལ་ནི་དེང་སང་ཡང་སྐྱོན་སྤུ་ཙམ་ཤོར་མི་འདུག ད་དུང་ཡ་མཚན་ཆེ་བ་ཞིག་ནི་ལྕགས་ཟམ་བཙུགས་ནས་ལོ་ཟླ་ཧ་ཅང་མང་པོ་འདས་རུང་དེའི་ལྕགས་ཡོངས་རྫོགས་ལ་གཙའ་ཐིག་གི་སྐྱོན་རིག་རྒྱུ་མི་འདུག སྣུམ་དབྱུག་པ་འདྲ་བའི་རྣམ་པ་མངོན་བཞིན་མཆིས། ལྕགས་ཟམ་དེའི་མཐོ་ཚད་ཧ་ལམ་སྨི ༩ ཙམ་ཡོད་པ་ཞིག་རེད། ས་གནས་དེ་གའི་ངག་རྒྱུན་དུ་བརྗོད་པར་གཞིགས་ན། མི་ཉག་གླིང་ཆུ་ཁྲ་མོ་ཆེན་པོར་གྱུར་ནས་ལྕགས་ཟམ་དེ་ཁེབས་སོང་ན་ཆུ་བརྒྱུད་དེའི་ལུང་ཁུག་ཏུ་ཆགས་པའི་གྲོང་སྡེ་རྣམས་ལ་ཆུའི་གནོད་སྐྱོན་ཐེབས་ཉེན་ཡོད་ཅེས་དྲིན་ཅན་ཐང་སྟོང་རྒྱལ་པོས་ཞལ་ཆེམས་བཞག་མྱོང་པ་རེད།

༡༩༩༥ ལོའི་དབྱར་གཞུང་དུ་མི་ཉག་གླིང་ཆུ་ཁྲ་མོའི་སྟོད་རྒྱུད་དུ་ཆར་ཆུ་འབེལ་བའི་རྐྱེན་གྱིས་ལྕགས་ཟམ་ཁེབས་ཉེར་ཡོད་པའི་གནས་སུ་སླེབས། དུས་དེར་མིའི་ཚེ་སྲོག་ཤོར་མེད་ཀྱང་ཆུ་རྒྱུད་ཉེ་འགྲམ་དུ་ཡོད་པའི་རྨོ་ཞིང་དང་སྡོད་ཁང་རྣམས་ཆུའི་གནོད་འཚེ་ཐེབས་མྱོང་པ་རེད། དེར་བརྟེན་ཐང་སྟོང་རྒྱལ་པོའི་ཞལ་ཆེམས་དེར་རིགས་པས་དཔྱད་པའི་ཁུངས་ལུང་རག་ལས་པ་རེད་ཅེས་ས་གནས་དེ་གའི་མི་རྣམས་ཀྱིས་བཤད་བཞིན་འདུག ལྕགས་ཟམ་དེའི་ཟམ་སྟེགས་ནི་རྡོ་ཕོང་ཤ་སྟག་ལས་བརྩིགས་པ་ཞིག་རེད།

ཧ་ལམ་ལོ་ལྔ་བརྒྱ་ཙམ་བརྒྱུད་ཀྱང་ད་དུང་འགུལ་སྐྱོན་ཐེབས་མེད་པར་དཔག་ན་ཟམ་སྟེགས་ཀྱི་ཟབ་ཚད་དང་ལས་སྟངས་ཀྱི་སྤུས་ཀ་ཡག་པོ་ཡིན་པ་ཤུགས་བསྟན་དུ་མངོན། དེའི་རིང་ཚད་སྨི ༢༦ ཙམ་ཡོད་པ་དང་ལྕགས་ཐག་བཞི་དཔྱང་བའི་ཐོག་ཤིང་ལེབ་བཏིང་ནས་མི་འགྲོ་ཐུབ་པ་བྱེད་པ་ཞིག་རེད།

ལྕགས་ཟམ་དེའི་ཉེ་འགྲམ་དུ་ཐང་སྟོང་རྒྱལ་པོས་ལྕགས་ཟམ་བཙུགས་དུས་ལྕགས་མགར་བྱེད་སའི་མགར་ཁང་རེད་ཅེས་པའི་ཁང་མིག་རྗེས་ཤུལ་ཞིག་འདུག དེའི་རྩར་ཐོ་སྟེགས་དང་། ཐོ་བ། སྐམ་པ་སོགས་མགར་བྱེད་སའི་ཡོ་བྱད་ཁག་ཅིག་མཇལ་རྒྱུ་འདུག ལོ་རྟག་པའི་དབྱར་གཞུང་དུ་ཆུ་ངོགས་གཉིས་ཀྱི་མི་རྣམས་ལྕགས་ཟམ་ཁར་འདུས་འཛོམས་བྱས་ནས་རྩེད་མོ་སྣ་ཚོགས་བརྩེས་ནས་དྲིན་ཅན་ཐང་སྟོང་རྒྱལ་པོས་ལྕགས་ཟམ་བཙུགས་པར་དྲན་གསོ་བྱེད་ཀྱིན་ཡོད་པ་རེད།

ཡོང་ཁུངས། མཚོ་སྔོན་པོ་དྲ་བ།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།