ThuAugThu2017

སྤེལ་དུས་མཐའ་མ།05:18:50 AM GMT

རྩོམ་གསར།:

པཎ་ཆེན་སྐུ་ཕྲེང་བཅུ་པའི་མི་རིགས་སློབ་གསོ་སྐོར་གྱི་གསུང༌།

ཀུན་གཟིགས་པཎ་ཆེན་སྐུ་ཕྲེང་བཅུ་པ་མཆོག

ང་ཚོ་ཚང་མ་ཁ་བ་རི་བོའི་ལྗོངས་འདིར་སྐྱེས་པའི་ཤ་ཁྲག་གཅིག་པའི་མི་རིགས་ཞིག་ཡིན་ལ།ནང་པའི་ཆོས་ཀྱི་རྗེས་འབྲང་པ་ཤ་སྟག་ཡིན་པས།ང་ཚོས་མི་རིགས་ནང་ཁུལ་གྱི་མཐུན་སྒྲིལ་དམ་ཟབ་བྱ་དགོས། མི་རིགས་རང་ཉིད་ཀྱི་སྐད་ཡིག་བརྒྱུད་འཛིན་དང་དར་སྤེལ་གཏོང་དགོས།ལོ་ངོ་སྟོང་ཕྲག་མང་པོའི་ལོ་རྒྱུས་ལྡན་པའི་འཛམ་གླིང་གི་མི་རིགས་གཞན་དག་དང་གཅིག་མཚུངས་ཡིན་པ་ལས།

རྗེས་ལུས་ཀྱི་མི་རིགས་ཤིག་གཏན་ནས་མིན།མིའི་སྤྱི་ཚོགས་འཕེལ་རྒྱས་བྱུང་པའི་བརྒྱུད་རིམ་ཁྲོད།རང་རེའི་མེས་པོ་རྣམས་ཀྱིས་ཀྱང་འོད་སྟོང་འབར་པའི་བསམ་བློ་དང་དངོས་བོའི་དཔལ་ཡོན་གཞལ་དུ་མེད་པ་ཞིག་བསྐྲུན་ཡོད་པས།ང་ཚོ་བོད་རིགས་སློབ་མ་རྣམས་ཀྱིས་ངེས་བར་དུ་མི་རིགས་རང་ཉིད་ཀྱི་ལོ་རྒྱུས་དང་རིག་གཞུང་གཙོ་འཛིན་བྱེད་དགོས།ཁྱོད་ཚོ་སློབ་ཕྲུག་རྣམ་པ་ནི་མི་རིགས་ཀྱི་མ་འོངས་པའི་རེ་བ་ཡིན་པས།ངེས་བར་དུ་མི་རིགས་རང་ཉིད་ཀྱི་སྐད་ཡིག་གིས་གཙོས་རིག་གནས་ཁག་ལེགས་པོ་སྦྱངས་ཏེ།དབུས་གཞུང་གིས་ང་ཚོར་སྤྲད་པའི་མི་རིགས་རང་སྐྱོང་ས་ཁུལ་གྱི་སྲིད་ཇུས་དོན་ཐོག་དུ་འཁྱོལ་ཐུབ་པ་བྱ་དགོས།ཁྱེད་རང་ཚོར་སློབ་སྦྱོང་གི་གོ་སྐབས་སྤྲད་པ་འདི་དོན་མེད་ཆུད་ཟས་སུ་གཏོང་མི་རུང༌།ཆང་རག་དང་ཐ་མག་ཤོ་སྦག་སོགས་མ་རབས་ཐ་ཆད་ཀྱི་རིགས་ནི་ང་ཚོའི་རིགས་གཞུང་མ་ཡིན་ལ།ཆོས་དང་འཇིགས་རྟེན་གཉིས་ཀའི་ཆ་ནས་སྤང་བྱ་ཞིག་ཡིན་ཅེས་བ་དང༌།གཞན་ཡང་འབྲོག་ཁུལ་མང་པོར་གཟིགས་སྐོར་གནང་སྐབས་དད་ལྡན་མང་ཚོགས་ལ་གསུང་དོན།ཕྲུ་གུ་ཆུང་དུས་སློབ་གྲྭ་གཏོང་བ་གལ་ཆེ་བ་དང༌།མི་རིགས་རང་ཉིད་ཀྱི་ཆོས་རིགས་གོམས་གཤིས་འཛིན་ཐུབ་པ་ཞིག་བསྐྱེད་བསྲིང་བྱེད་དགོས་ཞེས་བའི་སློབ་སྟོན་གནང༌།

མི་རིགས་ས་ཁུལ་གྱི་སློབ་གྲྭ་ཞིག་ཡིན་ན་ངེས་པར་དུ་རང་རེའི་ཆ་ལུགས་ཀྱི་གོས་གྱོན་དགོས།དེ་ནི་རྒྱལ་ཁབ་ཀྱི་རྩ་ཁྲིམས་དང་མི་རིགས་རང་སྐྱོང་ས་ཁུལ་གྱི་ཁྲིམས་བཞིའི་དགོངས་དོན་ཡིན་པ་མ་ཟད།ས་ཁུལ་འདིར་བསྡོད་བོད་རིགས་མི་དམངས་ཀྱི་ཁྱད་ཆོས་དང་ཐོབ་ཐང་ཞིག་ཀྱང་ཡིན་ཅེས་པ་དང༌།བོད་ཡིག་ནི་ལོ་རྒྱུས་རིང་པོ་ཡོད་པའི་སྐད་ཡིག་ཅིག་ཡིན་ཞིང༌།བོད་ཀྱི་རིག་གནས་འདི་སྔ་མོར་དར་རྒྱས་ཤིན་ཏུ་ཆེ།འོན་ཀྱང་སེམས་ཕམ་པ་ཞིག་ནི་ད་ལྟ་རྗེས་སུ་ལུས་འདུག་ཅེས་དང༌།མི་རིགས་ལས་བྱེད་པས་རང་གི་མི་རིགས་ཀྱི་དོན་དུ་སྐད་ཆ་ཤོད་རྒྱུའི་ཐོབ་ཐང་ཡོད་ལ་སྐད་ཆ་ཡང་ངེས་བར་དུ་བཤད་དགོས།དེ་འདྲ་བྱས་ན་ད་གཟོད་མི་རིགས་ཀྱི་ལས་བྱེད་པའི་ནུས་པ་ཐོན་ཐུབ་རྒྱུ་རེད།བོད་རིགས་ལས་བྱེད་པས་རྒྱ་ཡིག་རྒྱ་སྐད་བེད་སྤྱོད་བྱེད་པ་ནི་ལས་ཁུངས་ནང་ཡོད་པའི་རྒྱ་རིགས་ལས་བྱེད་པ་ཚོ་སྟབས་བདེའི་ཆེད་ཁོ་ན་རེད།ང་རང་གི་རྒྱ་སྐད་བཤད་ཤེས་པ་འདི་ང་རང་གི་འཇོན་ཐང་དང་ཡོན་ཏན་རེད།གལ་སྲིད་ངས་མ་ཤེས་པ་ཡིན་ནའང་ངོ་ཚ་དགོས་དོན་མེད།འོན་ཀྱང་གལ་སྲིད་ང་རང་གིས་བོད་སྐད་དང་བོད་ཡིག་མ་ཤེས་པ་ཡིན་ན།དེ་ནི་ང་རང་གི་ཞབས་འདྲེན་ཡིན་པས་ང་རང་ངོ་ཚ་དགོས་པ་ཞིག་རེད་ཅེས་དང༌།ད་ལྟ་ཁྱེད་རང་ཚོས་བོད་ཡིག་ཡག་པོ་སྦྱོངས་དགོས།ཁྱེད་རང་ཚོའི་སློབ་ཚན་བཀོད་སྒྲིག་ཐད་བོད་ཡིག་སློབ་ཚན་ཅུང་ཟད་ཉུང་དྲགས་འདུགའདི་ལྟར་བྱས་ན་བོད་ཡིག་ཡག་པོ་སྦྱོང་མི་ཐུབ།བོད་ཡིག་བེད་སྤྱོད་གཏོང་རྒྱུ་འདི་བོད་རྒྱ་ཆེའི་མི་དམངས་ལ་ཕན་ཐོག་ཡོད་པ་དངོས་ཡོད་གནས་ཚུལ་གསལ་པོ་ཆགས་མི་འདུག་གམ།བོད་ཀྱི་སྐད་ཡིག་སློབ་སྦྱོང་དང་བེད་སྤྱོད་གཏོང་རྒྱུའི་གནད་དོན་འདི་ནི་ཆུང་ཆུང་གཏན་ནས་མིན་ཞེས་དང༌།མི་ལ་གདོང་མཆོང་ངར་ཤུགས་དགོས་ལ།དཀའ་སྤྱོད་འབད་བརྩོན་བྱེད་དགོས།རང་ལ་ཡིད་ཆེས་ཀྱང་དགོས།དེང་སྐབས་ང་ཚོར་དཀོན་པ་ནི་རང་ལ་ཡིད་ཆེས་མི་བྱེད་པ་འདི་ཡིན།མི་ལ་རང་བཀུར་གྱི་སེམས་དགོས་ལ།མི་རིགས་ལ་རང་ཉིད་ཀྱི་ལ་རྒྱ་ཧ་ཅང་མཁོ།མི་རིགས་ལས་བྱེད་པར་མི་རིགས་རང་ལ་བརྩེ་དུང་ངེས་བར་དུ་ཡོད་དགོས།རང་མི་རིགས་ཀྱི་ཆེད་དུ་སྐད་ཆ་བཤད་པ་དང༌།རང་གི་མི་རིགས་ཀྱི་དོན་དུ་བྱ་བ་ལེགས་པོ་བསྒྲུབ་དགོས།དེ་མིན་ན་དེ་ལྟ་བུའི་མི་རིགས་ལས་བྱེད་པས་ཅི་བྱེད་ཅེས་དང༌།བོད་ཀྱི་རིག་པ་ཟེར་པ་འདི་ལ་རྨང་གཞི་དགོས་པ་ཡིན།རྨང་གཞི་དེ་གང་ཡིན་ཞེ་ན།བོད་ཀྱི་ཆོས་ལུགས་དང་བོད་ཀྱི་རིག་གནས་ཟེར་པ་འདི་གཉིས་ཡིན།དེ་གཉིས་ལ་ང་ཚོས་ད་བར་མཐོང་ཆུང་བྱས་པ་ལས།མཐོང་ཆེན་ཞིག་གཏན་ནས་བྱས་ཡོད་པ་མ་རེད་ཅེས་གསུངས༌།

སློབ་མ་བསྡུ་པ་དང་ལས་བྱེད་པ་བསྡུ་ལེན་བྱེད་སྐབས་བོད་ཡིག་གཙོ་བོར་འཛིན་དགོས་ཅེས་དང༌།བོད་ཡིན་ན་བོད་ཡིག་སློབ་དགོས།ལ་ལས་བུ་རབས་ཚ་རྒྱུད་དང་བཅས་རང་སྐད་ཡལ་བར་དོར་ནས་གཞན་སྐད་ལ་བརྩོན་པ་ནི།མི་རིགས་རང་ལ་མཚོན་ན།རྟ་ཐོག་ནས་གཡག་ཐོག་ཏུ་ཞོན་པ་ལས་མ་འདས་ཏེ།བོད་མི་རིགས་ཞིག་ཡིན་ན།བོད་ཡིག་ཤེས་དགོས།བོད་ཡིག་མ་ཤེས་ན་ངོ་ཚ་བའི་གནས་རེད།ཅེས་དང༌།མི་རིགས་ཀྱི་ལ་རྒྱ་ཞེས་པ་ཧ་གོ་དགོས།དེ་ནི་ཁ་མཆུ་འཁོན་འཛིངས་འཐབ་རྩོད་ཆགས་སྡང་གི་ལ་རྒྱ་ལྟ་བུ་ཞིག་གཏན་ནས་མ་ཡིན་པར་མི་རིགས་ལ་མི་རིགས་ཀྱི་འདུ་ཤེས་ཡོད་དགོས་ཤིང༌།སྐད་དང་ཡི་གེ་སོགས་མི་རིགས་ཀྱི་ཁྱད་ཆོས་གཙོ་བོ་རྣམས་རང་སྐྱོང་རང་བདག་གི་ལ་རྒྱ་དང་རང་ཚིགས་ཡོད་དགོས་པར་གསུངས༌།
ངས་རྒྱ་ཡིག་སྦྱོང་དགོས་ཀྱི་མ་རེད་ཟེར་བ་མིན།བོད་རིགས་ཡིན་ཕྱིན་སྔོན་ལ་བོད་ཡིག་ཡག་པོ་སྦྱངས་ནས་དེའི་རྗེས་རྒྱ་ཡིག་སྦྱོང་དགོས་པ་རེད།བོད་རིགས་ཡིན་ཕྱིན་སྔོན་ལ་བོད་ཡིག་མ་ཤེས་ན་ངོ་ཚ་རེད།བོད་ལ་བོད་ཡིག་གཙོ་བོ་ཡིན་པ་ནི་དངོས་སུ་གསལ་སྨོས་མ་དགོས་པ་ཞིག་རེད།ད་ལྟ་བོད་ནས་བོད་ཡིག་བེད་སྤྱོད་མི་གཏོང་པ་དེ་ཁྲིམས་དང་འགལ་བ་མ་རེད་དམ།ཀྲུང་དབྱང་གི་ཡིག་ཨང་དྲུག་པའི་ནང་དུ།བོད་ཡིག་གཙོ་བོ་བྱེད་དགོས་པ་དེ་གསལ་པོར་གསུངས་ཡོད་པ་རེད་ཅེས་གསུངས་སོ།།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།