TueJunTue2017

སྤེལ་དུས་མཐའ་མ།04:53:59 AM GMT

རྩོམ་གསར།:

འགྲོ་བ་མི་རྒས་སླ་བའི་དོན་རྐྱེན་འདི་དག་རེད་ཟེར།

འགྲོ་བ་མི་ཇི་ལྟར་རྒས་འགྲོ་བའི་འདྲ་གཟུགས།

མ་གཞི་ས་ལྒང་སྟེང་གི་སྲོག་ཆགས་ལས་ཆེས་རྣམ་རིག་གསལ་བ་ནི་མི་ཡིན་པར་རློམ་ལ་ཡིན་ཡང་སྲིད།  ཡིན་ནའང་མི་གང་མང་ཞིག་གི་བདེ་སྐྱིད་རྒྱང་རིང་གི་དམིགས་ཡུལ་དུ་བཟུང་ནས། འགྲུབ་ཚར་རྒྱུ་མེད་པའི་འདོད་ཧམ་དེའི་དཀའ་སྡུག་གི་ཀློང་ནས་མི་ཚེ་རྫོགས་འགྲོ་བ་ནི་སྲོག་ཆགས་གཞན་ལས་ཀྱང་ཆེས་གླེན་རྟགས་ཤིག་རེད།  མི་ཞིག་ཡིན་ན་བྱ་བ་ཆེ་ཆུང་གང་ཡིན་རུང་མུ་མཐུད་དུ་བསྒྲུབས་ནས་འགྲོ་དགོས་པ་ནི་ལམ་བུ་རེད། རང་གི་བྱ་བ་རེད།  འོན་ཀྱང་འདོད་ཧམ་ཆེན་པོ་དེས་རང་ཉིད་སྡུག་ལ་སྦྱར་བ་ནི་མི་ཚེའི་བདེ་སྐྱིད་གཞོམ་པའི་འཆར་གཞི་རེད།  མི་སུ་ཡིན་ཡང་ལོ་ན་གཞོན་སྐབས་འཕྲོད་བསྟེན་འདི་དག་ལ་དོ་སྣང་མ་བྱས་ན་རྒས་ཟིན་རྗེས་འགྱོད་པས་བཅོས་ཐབས་མེད་པ་ཡིན།

དེས་ན་འཛམ་གླིང་གི་ལོ་ན་ཆེས་མཐོ་ཤོས་དག་གིས་འཕྲོད་བསྟེན་གྱི་བརྒྱུད་རིམ་ལ་ཞིབ་འཇུག་བྱས་པ་དང༌།  ནད་དཔྱད་ཆེད་ལས་པ་དང་ཚན་རིག་པ་འཛམ་གླིང་འཕྲོད་བསྟེན་རྩ་འཛུགས་ཚོགས་པ་དག་གིས་དཔྱད་འབྲས་ལྟར་ན།  མི་རྣམས་ཀྱི་འཚོ་བ་དང་ཆ་རྐྱེན་ལ་ལྡབ་འགྱུར་གྱིས་འཕེལ་རྒྱུས་བྱུང་བར་བརྟེན།  མིའི་ཚེ་ཐག་ནི་ཇེ་རིང་ནས་ཇེ་རིང་དུ་འགྲོ་བཞིན་པར་ངོས་བཟུང༌།  ཡིན་ན་ཡང་དུས་རབས་གསར་བའི་ནང་མི་རྣམས་ཀྱིས་དཔལ་འབྱོར་ལ་རྔམ་དྲགས་ནས་རྫས་ངན་གྱི་ལྷད་བསྲེས་བའི་ཟས་རིགས་དར་སྤེལ་དང༌།  ལས་ཀ་གཙོ་བོ་ལས་བདེ་ཐང་ལ་ཉམས་མ་བཞག་པ་ལས་ཚེ་ཇེ་ཐུང་དང་རྒས་སླ་བའི་དོན་རྐྱེན་རང་གིས་བཟོས་ནས་མིའི་ཚེ་ཚད་ལ་མ་བསླེབས་གོང་ནས་འཆི་ལམ་ལ་འགྲོ་བཞིན་ཡོད།  དེས་ན་རང་ཉིད་ཀྱིས་རྒྱུན་པར་ཉམས་འཇོག་དགོས་པའི་རྒས་སླ་བའི་དོན་རྐྱེན་ཆེན་པོ་དྲུག་ངོས་འཛིན་ཐུབ་ཡོད།

༡   ཆང་དང་ཐ་མག་གཉིས་བསྟེན་དྲགས་ན་མྱུར་དུ་རྒས་འགྲོ་བར་གསར་རྟོགས་བྱུང་ཡོད།  ཐ་མག་གི་གློ་ནད་བརྒྱུད་དེ་དོན་ལྔ་སྣོད་དྲུག་གི་ནུས་པ་རང་འགགས་སུ་བཏང་ནས་རྒས་སླ་མོར་བཟོ་བཞིན་ཡོད་པ་དང༌།  ཆང་གིས་དེ་བཞིན་མཆིན་ནད་བརྒྱུད་དེ་ཚེ་ཇེ་ཐུང་དང་རྒས་སླ་མོར་གཏོང་གིན་ཡོད།
༢  རྒྱུན་པར་ཁོང་ཁྲོ་ལངས་ནས་འདུག་མཁན་དང༌།  གཞན་ལ་ཕྲག་དོག་དང་གནོད་སེམས་ཀྱི་ཟུག་གཟེར་རྒྱུན་འཁྱོང་བྱེད་མཁན་དག་གིས་རང་ཉིད་ནད་མེད་ནད་ཅན་དུ་གཏོང་བ་དང༌།  གཞན་ལ་གནོད་མི་ཐུབ་ཅིང་རང་གི་སེམས་མི་སྐྱིད་ལ།   དྲན་རྒྱུ་ལས་རྒྱུ་མང་བས་ལུས་སེམས་ལ་གནོན་ཤུགས་སྤྲད་རྐྱེན་མྱུར་དུ་རྒས་སླ་བར་ཤེས་རྟོགས་བྱུང༌།
༣   འཚོ་བ་ལ་གཏན་ཁེལ་མེད་པ་དང་མཚན་མོ་ཡུན་རིང་ལ་མི་གཉིད་མཁན་དག་ཀྱང་རྒས་སླ་བ་ཡིན།  འཚོ་བ་གཏན་ཁེལ་མེད་པ་ནི་དུས་ལྟར་དུ་ཟས་མི་བསྟེན་པ།  ནངས་ཟས་མི་ཟ་བ་དགོང་ཟས་མང་དྲགས་པ།  གུང་ཟས་དུས་ཡོལ་ནས་ཟ་བ།  སྔ་ལངས་སྔ་ཉལ་ལ་གཏན་ཁེལ་མེད་པ།  ཟས་བཟང་ངན་དང་དྲོ་གྲང་མེད་པར་གང་བྱུང་དུ་ཟ་བ།  ལས་ཀ་ལ་ཚོད་འཛིན་མེད་པ།  གཙང་སྦྲ་དུས་ལྟར་མི་བྱེད་པ་སོགས་ཀྱང་རྒས་སླ་བར་ཤེས་རྟོགས་བྱུང༌།
༤  སྨན་ཡུན་རིང་བསྟེན་མཁན་དང་རང་གི་རང་ལ་ཡིད་ཆེས་མེད་པ་དང༌།  རེ་ཐག་ཆད་ནས་འདུག་མཁན་དག་ཀྱང་རྒས་སླ་བ་ཡིན།  དམིགས་བསལ་ནད་ལ་ཕན་པའི་ཉེར་མཁོའི་སྨན་མ་ཡིན་པར་སྨན་མང་པོ་རྒྱུན་པར་འཐུང་བ།  བྱ་བ་གང་བསྒྲུབས་ཀྱང་རང་ལ་ཡིད་ཆེས་མེད་པར་རེ་ཐག་ཆད་ནས་འདུག་ཅིང༌།  ཀླད་པའི་འཁོར་སྐྱོད་མི་བྱེད་པར་སྒྱིད་ལུག་ནས་འདུག་པ་དག་ཀྱང་རྒས་སླ་བར་དངོས་རྟོགས་བྱུང༌།
༥  ཁེར་རྐྱང་གི་འཚོ་བ་རོལ་མཁན་དང་བྱ་འགུལ་སྣ་ཚོགས་ལ་མི་ཞུགས་མཁན་དག་ཀྱང་རྒས་སླ་བ་ཡིན།  རྒྱུན་པར་གྲོགས་པོ་དང་ཡང་ན་ཟླ་རོགས་དང་ལས་གྲོགས་དག་གཅིག་ཀྱང་མི་འཚོལ་མཁན།  མི་གཞན་ལ་འབྲེལ་འདྲིས་བྱེད་པར་མི་སྤྲོ་བར་ཁེར་རྐྱང་དུ་འཚོ་བ།  མི་མང་འདུས་ས་དང་དགའ་སྤྲོའི་འདུ་ར་སོགས་ལ་བག་ཡངས་སུ་མི་འགྲོ་མཁན་ཏེ།  རྒྱུན་དུ་རྩེད་དགོད་མི་བྱེད་པའི་མི་དག་ཀྱང་རྒས་སླ་བར་ཤེས་རྟོགས་བྱུང༌།
༦   རྒྱུན་པར་རང་གི་འཚོ་བས་ཡིད་མ་ཚིམས་པར་འགྲུབ་རྒྱུ་མེད་པའི་ཧམ་སེམས་ཆེན་པོ་ཞིག་གིས་རང་གི་སེམས་ཀྱི་བདེ་སྐྱིད་དེ་འཕྲོགས་ནས།  རྒྱུན་དུ་སེམས་ཁམས་ལ་གནོན་ཤུགས་བྱིན་ནས་འདུག་མཁན་དག་ཀྱང་རྒས་སླ་བ་ཡིན།  མི་ཞིག་ལ་མཚོན་ན་མིག་སྔར་གྱི་འཚོ་བ་ནི་ཆེས་བདེ་སྐྱིད་ལྡན་པར་ངོས་འཛིན་ཐུབ་དགོས།  གལ་ཏེ་མིག་སྔར་གྱི་འཚོ་བས་ཡིད་མ་ཚིམས་ན་མི་ཚེ་གང་བོར་འདོད་པ་ཡོངས་རྫོགས་འགྲུབ་ཉིན་དང༌།  ཧམ་སེམས་ཀྱི་སྟོང་ཆ་སྐོང་ཐུབ་པའི་ཉིན་མོ་ཞིག་འོང་རྒྱུ་མེད་པར།  མི་ཚེ་སྡུག་ཟད་མིག་ཟད་དུ་སོང་ནས་མཐར་ད་དུང་ཧམ་སེམས་སྟོང་བ་དེའི་མཇུག་རྫོགས་མ་ཐུབ་པར་འཆི་ལམ་དུ་འགྲོ་དགོས་བྱུང་བ་རེད།  དེས་ན་རང་གི་མིག་སྔར་གྱི་འཚོ་བས་ཡིད་མི་ཚིམ་པའམ།  མིག་སྔར་གྱི་འཚོ་བས་བདེ་སྐྱིད་སྟེར་མི་ཐུབ་པ།  མིག་སྔར་གྱི་འཚོ་བའི་གྲུབ་ཆ་ལ་བདེ་སྐྱིད་ཡོད་པར་ངོས་མ་ཟིན་པར།  དགོས་རྒྱུ་སྒྲུབ་རྒྱུ་མང་པོ་ཧམ་སེམས་སྟོང་བ་ཞིག་རྒྱུན་པར་སེམས་ཐོག་ལ་བཀོད་ནས་འདུག་མཁན་དག་ནི་རྒས་ཀྱང་སླ་ལ་འཆི་ཡང་སླ་བར་ཤེས་རྟོགས་བྱུང་ཡོད།

ཡོང་ཁུངས༌། བོད་ལྗོངས་རིག་གནས་དྲ་བ། རྩོམ་པ་པོ། རྨེ་གྲྭ་ཚེ་རིང་བསམ་འགྲུབ། རིན་ཆེན་གྱིས་བསྒྲིགས།

བོད་ཀྱི་གླུ་བ་གླུ་མ།

གངས་ལྗོངས་ཀྱི་གླུ་པ་གླུ་མའི་གར་སྟེགས།

འཕྲོད་བསྟེན་ཤེས་བྱ།

ཁོར་ཡུག་སྲུང་སྐྱོབ། གཙང་སྦྲ་འཕྲོད་བསྟེན།

ཤེས་ཡོན་སློབ་སྦྱོང༌།

ཤེས་ཡོན་ནི་མ་འོངས་པའི་མདུན་སྒོ་ཡིན།

རྒྱན་གོས་ཆ་ལུགས།

བོད་མིའི་གནའ་དེང་གོས་ཀྱི་མཚར་ཉམས།

གློག་བརྙན་གསར་པ།

བོད་ཀྱི་གྲགས་ཅན་གློག་བརྙན་ངོ་སྤྲོད།།

བོད་ཀྱི་ཆོས་རིག་སྐད་ཡིག་གསུམ་གྱི་དྲ་འབྲེལ།

རྩོམ་རིག

  • ཡིད་འོང་ལྷ་མཚོ།
  • རིག་འབྱུང་དྲ་བ།
  • མཆོད་མེ་རྩོམ་རིག
  • བོད་ཀྱི་རྩོམ་རིག

སྙན་ངག

  • ན་གཞོན་གསར་པ།
  • གཏེར་མཛོད།
  • བོད་ཀྱི་རིག་མཛོད།

ལོ་རྒྱུས།

  • བཤད་མཛོད།
  • གདོད་མའི་ལོ་རྒྱུས།
  • དྲིས་ལན་དྲ་མཛོད།
  • གསལ་ལེ་རྒྱལ།

ཆོས་འབྱུང་།

  • ཆོས་ལུགས་ལོ་རྒྱུས།
  • ནང་བསྟན།
  • རྡོ་འབུམ་དཔེ་འཕྲིན།

སྐད་ཡིག

  • ཆ་འཕྲིན་ལག་རྩལ།
  • ཇོ་མོ་གླང་མ།
  • ཧི་མ་ལ་ཡ
  • སྨོན་ལམ

རིག་གཞུང་།

  • བོད་ཀྱི་རིག་གཞུང་།
  • སློབ་གསོ་དྲ་བ།
  • འབྲུག་དཔེ་མཛོད།

རིག་གནས།

  • རིག་གནས་དྲ་བ།
  • བོད་ཀྱི་རིག་གནས།
  • སེང་རྡོར་དྲ་ཚིགས
  • ཧི་མ་ལ་ཡའི་བོན།

དྲ་རྒྱ་གཞན།

  • གཉན་པོ་གཡུ་རྩེ།
  • རྡོ་འབུམ་དཔེ་ཕྲེང་།
  • ལོ་གསར་རིག་གཞུང་།